അനുബന്ധ വാര്ത്തകള്
- വിദ്യ ബാലന്, നയന്താര, സാമന്ത എന്നീ വന് താരനിര, വരുന്നത് ഷാജി കൈലാസിന്റെ മലയാള ചിത്രം
- കുപ്പിയില് വരെ നയന്താരയും വിക്കിയും, വിവാഹ വിശേഷങ്ങള്
- ഹിറ്റ്ലറിലെ മമ്മൂട്ടി മുതല് ഇന്സ്പെക്ടര് ഗരുഡിലെ ദിലീപ് വരെ; മലയാളത്തിലെ ഏറ്റവും ടോക്സികും സ്ത്രീവിരുദ്ധരുമായ നായക കഥാപാത്രങ്ങള്
- ജോജിയില് കണ്ട ആളേ അല്ല, ലുക്ക് ഒന്ന് മാറ്റി പിടിച്ച് നടി ഉണ്ണിമായ പ്രസാദ് !
- പുതിയ അധ്യായം ആരംഭിക്കുന്നു,വിവാഹത്തിന് മണിക്കൂറുകള്ക്ക് മുമ്പ് വിഘ്നേഷ്
മമ്മൂട്ടിയും ദം ബിരിയാണിയും; എല്ലാ സെറ്റിലും സ്നേഹം വിളമ്പുന്ന മെഗാസ്റ്റാര്
മമ്മൂട്ടിയുടെ സിനിമ സെറ്റുകളില് മാത്രം കണ്ടുവരുന്ന ചില പ്രത്യേകതകളുണ്ട്. അതിലൊന്നാണ് ഷൂട്ടിങ് പുരോഗമിക്കുന്ന സമയത്ത് സെറ്റിലുള്ള എല്ലാവര്ക്കും മമ്മൂട്ടിയുടെ വക ദം ബിരിയാണി. ഇപ്പോള് മമ്മൂട്ടി അഭിനയിച്ചുകൊണ്ടിരിക്കുന്നത് നിസാം ബഷീര് സംവിധാനം ചെയ്യുന്ന റോഷാക്ക് എന്ന ചിത്രത്തിലാണ്. റോഷാക്കിന്റെ ലൊക്കേഷനില് ബിരിയാണി ചെമ്പ് പൊട്ടിച്ച് സ്നേഹത്തിന്റേയും സാഹോദര്യത്തിന്റേയും റെസിപ്പി ചേര്ത്ത് ഇളക്കുന്ന മമ്മൂട്ടിയുടെ വീഡിയോ സോഷ്യല് മീഡിയയില് വൈറലായിട്ടുണ്ട്.
വര്ഷങ്ങളായി മമ്മൂട്ടി പിന്തുടരുന്ന ശീലമാണ് ഇത്. ഏത് സിനിമയുടെ സെറ്റില് ആണെങ്കിലും തനിക്കൊപ്പം ജോലി ചെയ്ത എല്ലാവര്ക്കും മമ്മൂട്ടി ഒരു സ്നേഹവിരുന്ന് നല്കും. ഷൂട്ടിങ് പുരോഗമിക്കുന്ന സമയത്താണ് ലൊക്കേഷനില് മമ്മൂട്ടിയുടെ വക ദം ബിരിയാണി. ലൊക്കേഷനില് തന്നെയായിരിക്കും ആ ബിരിയാണി പാകം ചെയ്യുക. ദം പൊട്ടിക്കാനും ലൊക്കേഷനിലുള്ളവര്ക്ക് വിളമ്പാനും മുന്പന്തിയിലുണ്ടാകുക മമ്മൂട്ടി തന്നെ. വര്ഷങ്ങളായുള്ള ശീലം മമ്മൂട്ടി ഇപ്പോഴും തുടരുകയാണ്.
