രജീഷിയും പ്രിയ വാര്യരും, കൊള്ളയിലെ പുതിയ ഗാനം ഇന്ന് നാലുമണിക്ക്
കെ ആര്‍ അനൂപ്|
Last Modified വ്യാഴം, 15 ജൂണ്‍ 2023 (15:20 IST)
രജിഷ വിജയന്‍, പ്രിയാ വാര്യര്‍, വിനയ് ഫോര്‍ട്ട് എന്നിവര്‍ പ്രധാന വേഷങ്ങളില്‍ എത്തുന്ന പുതിയ ചിത്രമാണ് കൊള്ള. ചിത്രം സൂരജ് വര്‍മ്മയാണ് സംവിധാനം ചെയ്യുന്നത്. ബോബി-സഞ്ജയ് ടീമിന്റെ ആണ് കഥ. സിനിമയിലെ ഒരു ഗാനം ഇന്ന് വൈകുന്നേരം 4 മണിക്ക് പുറത്തിറങ്ങും.
നെല്‍സന്റെ വരികള്‍ക്ക് ഷാന്‍ റഹ്‌മാനാണ് സംഗീതം നല്‍കിയിരിക്കുന്നത്. ആതിര നായരാണ് ആലാപനം.
രണ്ട് പെണ്‍കുട്ടികളുടെ കഥ പറയുന്ന ത്രില്ലര്‍ ചിത്രമാണ് ഇത്.അലന്‍സിയര്‍, പ്രശാന്ത് അലക്‌സാണ്ടര്‍, ജിയോ ബേബി , ഷെബിന്‍ ബെന്‍സന്‍, പ്രേം പ്രകാശ് എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.ഡോക്ടര്‍മാരായ ജാസിം ജലാലും നെല്‍സണ്‍ ജോസഫും ചേര്‍ന്നാണ് തിരക്കഥ രചിച്ചത്.
രജീഷ് പ്രൊഡക്ഷന്‍സിന്റെ ബാനറില്‍ കെവി രജീഷ് ചിത്രം നിര്‍മ്മിക്കുന്നു.
