കെ ആര്‍ അനൂപ്|
Last Modified ബുധന്‍, 28 ജൂണ്‍ 2023 (17:54 IST)
2007 ലെ ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലാണ് നടി അഭിനയലോകത്തേക്ക് എത്തുന്നത്. ഒരു പരസ്യ ചിത്രത്തിന്റെ ഇടക്ക് ലോഹിതദാസ് ഭാമയെ കാണാന്‍ ഇടയാവുകയും പിന്നീട് നിവേദ്യം എന്ന സിനിമയിലേക്ക് ക്ഷണിക്കുകയും ചെയ്തു.മലയാളത്തിന്റെ പ്രിയപ്പെട്ട ചലച്ചിത്രകാരന്‍ ലോഹിതദാസ് വിടപറഞ്ഞിട്ട് 14 വര്‍ഷങ്ങളാകുന്നു. അദ്ദേഹത്തിന്റെ വിയോഗം 2009 ജൂണ്‍ 28 നായിരുന്നു. സംവിധായകന്റെ ഓര്‍മ്മകളിലാണ് ഭാമ.
ഭാമയുടെ വാക്കുകളിലേക്ക്
16വര്‍ഷങ്ങള്‍ ! നിവേദ്യം!മലയാളത്തിന്റെ പ്രിയകലാകാരന്‍ ലോഹിതദാസ് സര്‍ ന്റെ ചിത്രത്തിലൂടെ മലയാളസിനിമയിലേക് എത്തിപ്പെടാന്‍ കഴിഞ്ഞു എന്നുള്ളത് ഇപ്പോളും എനിക്കൊരു വിസ്മയമാണ് .ഏറെ അഭിമാനിക്കുന്നു അദ്ദേഹത്തിന്റെ ശിഷ്യ ആകാന്‍ കഴിഞ്ഞതില്‍ .ഗുരു എന്നതിലുപരി അച്ഛന്റെ സ്ഥാനമായിരുന്നു അദ്ദേഹത്തിന്. സര്‍ ജീവിച്ചിരിപ്പുണ്ടായിരുന്നുവെങ്കില്‍ എന്ന് പലപ്പോളും ആഗഹിച്ചിട്ടുണ്ട്.
എത്രത്തോളം അദ്ദേഹത്തിന്റ പ്രതീക്ഷകള്‍ക്കൊത്തു ഉയരാന്‍ കഴിഞ്ഞു എന്നെനിക്കറിയില്ല.എന്നാലും എന്റെ
എന്റെ ജീവിതം ഇത്രമേല്‍ അനുഗ്രഹമാക്കിയതില്‍ സര്‍ നോട് ഒരുപാട് കടപ്പാട് !
ചില വ്യെക്തികളിലൂടെ ഇന്നും സര്‍ ന്റെ ഓര്‍മ്മകള്‍ നില നില്‍ക്കുന്നു .
അദ്ദേഹത്തിലൂടെ പരിചയപ്പെടാന്‍ കഴിഞ്ഞവരെയും സ്‌നേഹത്തോടെ ഓര്‍മ്മിക്കുന്നു.എന്നും എപ്പോളും നന്ദിയും ആദരവും
