ഫഹദിന് വേണ്ടി പാട്ടുപാടി ശ്രീനാഥ് ഭാസി ! ആവേശം സോങ് ഏറ്റെടുത്ത് ആരാധകര്‍
കെ ആര്‍ അനൂപ്|
Last Modified ബുധന്‍, 28 ഫെബ്രുവരി 2024 (15:21 IST)
Aavesham
ഫഹദ് ഫാസിലിന്റെ 'ആവേശം' റിലീസിന് ഒരുങ്ങുകയാണ്. പ്രമോഷന്‍ തിരക്കുകളിലേക്ക് നിര്‍മ്മാതാക്കള്‍.ഇന്നലെ ടീം ആദ്യ സിംഗിള്‍ പുറത്ത് വിട്ടു.
വിനായക് ശശികുമാറിന്റെ വരികള്‍ക്ക് സുഷിന്‍ ശ്യാം ആണ് സംഗീതം ഒരുക്കിയിരിക്കുന്നത്. 'ജാഡ' എന്ന ഗാനം ആലപിച്ചിരിക്കുന്നത് നടന്‍ ശ്രീനാഥ് ഭാസിയാണ്.
ഫഹദ് ഫാസില്‍ തന്റെ സോഷ്യല്‍ മീഡിയ ഹാന്‍ഡിലിലൂടെ ഗാനം റിലീസ് ചെയ്തു.ഏപ്രില്‍ 11ന് ചിത്രം തിയറ്ററില്‍ എത്തും.
മന്‍സൂര്‍ അലി ഖാന്‍, ആശിഷ് വിദ്യാര്‍ഥി, സജിന്‍ ഗോപു, പ്രണവ് രാജ്, മിഥുന്‍ ജെ.എസ്., റോഷന്‍ ഷാനവാസ്, ശ്രീജിത്ത് നായര്‍, പൂജ മോഹന്‍രാജ്, നീരജ് രാജേന്ദ്രന്‍, തങ്കം മോഹന്‍ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
അന്‍വര്‍ റഷീദ് എന്റര്‍ടൈന്‍മെന്റ്,ഫഹദ് ഫാസില്‍ ആന്‍ഡ് ഫ്രണ്ട്‌സ് എന്നീ ബാനറുകളില്‍ അന്‍വര്‍ റഷീദ്, നസ്രിയ നസീം ചേര്‍ന്നാണ് ചിത്രം നിര്‍മ്മിക്കുന്നത്.
