കെ ആര്‍ അനൂപ്|
Last Modified തിങ്കള്‍, 20 മാര്‍ച്ച് 2023 (11:09 IST)
വലിയ പ്രതീക്ഷയോടെ സിനിമാലോകം കാത്തിരിക്കുന്ന ചിത്രമാണ് ദസറ. രൂപത്തിലും ഭാവത്തിലും വേറിട്ട ഒരു കഥാപാത്രമായി നാനിയും കീര്‍ത്തി സുരേഷും ജ്ഞാനിയും എത്തുന്നു എന്നത് ആരാധകരുടെ പ്രതീക്ഷ വര്‍ധിപ്പിക്കാനുള്ള കാരണം.ഗ്രാമീണ ആക്ഷന്‍ ഡ്രാമയുടെ റിലീസിന് 10 നാള്‍ കൂടി. സ്‌പെഷ്യല്‍ പോസ്റ്റര്‍ പുറത്തിറങ്ങി.
ഷൈന്‍ ടോം ചാക്കോയുടെ ആദ്യ തെലുങ്ക് സിനിമ എന്ന പ്രത്യേകതയും ഇതിനുണ്ട്. മാര്‍ച്ച് 30നാണ് റിലീസ്.
തെലങ്കാനയിലെ ഗോദാവരിക്കാനി അയല്‍പക്കത്ത് സ്ഥിതി ചെയ്യുന്ന വീര്‍ലപ്പള്ളി ഗ്രാമത്തിലെ ജനങ്ങളുടെ ജീവിത കഥയാണ് സിനിമ പറയുന്നത്.
നവാഗതനായ ശ്രീകാന്ത് ഒഡേല സംവിധാനം ചെയ്യുന്ന സിനിമയുടെ ഡിജിറ്റല്‍ അവകാശങ്ങള്‍ നെറ്റ്ഫ്‌ലിക്‌സ് ആണ് സ്വന്തമാക്കിയിരിക്കുന്നത്. തീയേറ്ററുകളില്‍ എത്തിയ ശേഷം ആണ് നെറ്റ്ഫ്‌ലിക്‌സ് എത്തുന്നത്.
