അനുബന്ധ വാര്ത്തകള്
- അഗ്രസീവാകാൻ ഫ്ലെമിങ് പറഞ്ഞിരുന്നു, പറ്റുന്നില്ലായിരുന്നു, പിച്ചിൽ പന്തിന് ലഭിച്ചത് അസൗഭാവികമായ ബൗൺസ് : റുതുരാജ്
- ഒരോവറിൽ രണ്ട് ബീമറുകൾ എറിഞ്ഞിട്ടും കാർത്തിക് ത്യാഗിയെ വിലക്കിയില്ല, അമ്പയറുടെ തീരുമാനത്തിന് പിന്നിൽ
- Sanju Samson : ഇന്ന് പോരാട്ടം ഗില്ലിൻ്റെ ഗുജറാത്തിനെതിരെ, റെക്കോർഡിനരികെ സഞ്ജു, വേണ്ടത് 3 റൺസ് മാത്രം
- എന്തൊരു അടി, ഞാൻ ഫാനായി പോയി, തുറന്ന് പറഞ്ഞ് പാറ്റ് കമ്മിൻസ്
- KL Rahul : 67 പന്തിൽ 152*, സെഞ്ചുറിയോടെ റെക്കോർഡുകളുടെ പ്രളയം തീർത്ത് രാഹുൽ
ടീമിന്റെ താളം കളയാനില്ല, പിള്ളേര് കളിച്ചു റെഡിയാകട്ടെ, ഫിറ്റ്നസ് വീണ്ടെടുത്തെങ്കിലും മൈതാനത്തേക്കില്ലെന്ന് ധോനി
പരിക്കില് നിന്ന് മുക്തനായെങ്കിലും നിലവിലെ ടീമിന്റെ താളം തെറ്റാതിരിക്കാന് എം എസ് ധോനി ചെന്നൈ ടീമില് നിന്നും മാറിനില്ക്കുകയാണെന്ന് റിപ്പോര്ട്ട്. ഇന്ത്യന് എക്സ്പ്രസ് പുറത്തുവിട്ട റിപ്പോര്ട്ട് പ്രകാരം കണങ്കാലിനേറ്റ പരിക്ക് മാറി ധോനി ഫിറ്റ്നസ് വീണ്ടെടുത്തുകഴിഞ്ഞു. എന്നാല് സീസണിലെ നിര്ണായകമായ അവസാന ഘട്ടത്തില് ടീം ഘടനയില് മാറ്റം വരുത്താന് ധോനി താല്പര്യപ്പെടുന്നില്ലെന്നാണ് സൂചന. ധോനി തിരിച്ചെത്തുമ്പോള് ബാറ്ററായി മാത്രമാകില്ല, കീപ്പറായും താരം തുടരുമെന്നാണ് ചെന്നൈ സൂപ്പര് കിംഗ്സ് ബാറ്റിംഗ് പരിശീലകനായ മൈക്ക് ഹസി വ്യക്തമാക്കുന്നത്.
സഞ്ജു സാംസണ്, കാര്ത്തിക് ശര്മ എന്നിവര് വിക്കറ്റ് കീപ്പിംഗ് ഓപ്ഷനുകളായുണ്ടെങ്കിലും ധോനി തന്റെ പഴയ റോളിലേക്ക് തന്നെ തിരിച്ചെത്തുമെന്ന സൂചനയാണ് ഹസി നല്കുന്നത്. മാര്ച്ച് 28ന് പരിക്കേറ്റ ധോനിക്ക് സീസണിലെ ആദ്യ 7 മത്സരങ്ങള് ഇതിനകം നഷ്ടമായി കഴിഞ്ഞു. മുംബൈ ഇന്ത്യന്സിനെതിരായ മത്സരത്തിന് മുന്പായി ധോനി നെറ്റ്സില് പരിശീലനം നടത്തിയിരുന്നു. ധോനി പൂര്ണകായിക ക്ഷമത വീണ്ടെടുത്ത് അടുത്ത മത്സരങ്ങളില് തിരിച്ചെത്തുമെന്ന പ്രതീക്ഷയിലാണ് ആരാധകര്.
