അനുബന്ധ വാര്ത്തകള്
- 'ഞാനായിട്ട് മാറില്ല, നിങ്ങള്ക്ക് താല്പര്യമില്ലെങ്കില് മാറ്റാം'; കോലി അന്നേ പറഞ്ഞിരുന്നു
- ബിസിസിഐയ്ക്കും കോലിക്കും ഇടയില് എന്തൊക്കെയോ സംഭവിക്കുന്നുണ്ട്; അടിമുടി ദുരൂഹത
- ഇന്ത്യയ്ക്ക് വേണ്ടി കളിക്കുന്നതില് നിന്ന് എന്നെ പിന്തിരിപ്പിക്കാന് ഒന്നിനും സാധിക്കില്ല: കോലി
- രണ്ട് വര്ഷമായി ഞാന് ഇത് തന്നെയല്ലേ പറയുന്നത്, എനിക്ക് രോഹിത്തുമായി ഒരു പ്രശ്നവുമില്ല: കോലി
- അയാളെ ട്വന്റി 20 ലോകകപ്പ് സ്ക്വാഡില് ഉള്പ്പെടുത്തണമെന്ന് വാശിപിടിച്ചത് കോലി, അത് കേട്ടപ്പോള് ഞാന് ഞെട്ടി: സൗരവ് ഗാംഗുലി
ട്വന്റി 20 നായകസ്ഥാനം ഒഴിയുന്ന കാര്യം കോലി അറിയിച്ചത് അതീവ രഹസ്യമായി; ബിസിസിഐയില് നിന്ന് ആരോ മാധ്യമങ്ങള്ക്ക് ചോര്ത്തി, പ്രശ്നങ്ങളുടെ തുടക്കം ഇങ്ങനെ
ലോകകപ്പിന് ശേഷം താന് ട്വന്റി 20 നായകസ്ഥാനം ഒഴിയുകയാണെന്ന് വിരാട് കോലി ബിസിസിഐയെ അറിയിച്ചത് അതീവ രഹസ്യമായി. നായകസ്ഥാനം ഒഴിയുന്ന കാര്യം ട്വന്റി 20 ലോകകപ്പിന് ശേഷം ബിസിസിഐ പുറത്തുവിട്ടാല് മതിയെന്ന നിലപാടായിരുന്നു കോലിക്ക്. എന്നാല്, ബിസിസിഐയില് ആരോ കോലിക്കെതിരെ പടയൊരുക്കം നടത്തിയിരുന്നു. കോലി നായകസ്ഥാനം ഒഴിയുകയാണെന്ന വാര്ത്ത ബിസിസിഐയുമായി അടുത്ത ബന്ധമുള്ള ആരോ ഒരാള് മാധ്യമങ്ങള്ക്ക് ചോര്ത്തി നല്കുകയായിരുന്നു. അതിനു പിന്നാലെയാണ് വിരാട് കോലി ഇക്കാര്യം പരസ്യമായി പ്രഖ്യാപിച്ചത്. ഇതില് കോലിക്ക് അതൃപ്തിയുണ്ടെന്നാണ് റിപ്പോര്ട്ട്. കോലി-ബിസിസിഐ പോര് തുടങ്ങുന്നത് ഇവിടെ നിന്നാണ്. രോഹിത് ശര്മ ട്വന്റി 20 നായകസ്ഥാനത്തേക്ക് എത്താന് ചരടുവലികള് നടന്നിരുന്നെന്നാണ് സൂചന. ബിസിസിഐയിലെ ഉന്നതന് തന്നെയാണ് രോഹിത്തിനായി രംഗത്തുണ്ടായിരുന്നതെന്നും റിപ്പോര്ട്ടുകളുണ്ട്.
