ലോക ടെസ്റ്റ് ചാംപ്യന്‍ഷിപ്പ് ക്ലൈമാക്‌സിലേക്ക്. രണ്ടാം ഇന്നിങ്‌സില്‍ 71 റണ്‍സ് എടുക്കുന്നതിനിടെ ഇന്ത്യയ്ക്ക് മൂന്നാം വിക്കറ്റും നഷ്ടമായി. ഇന്ത്യയുടെ ലീഡ് 39 റണ്‍സ്.

നായകന്‍ വിരാട് കോലിയുടെ വിക്കറ്റാണ് മൂന്നാമതായി ഇന്ത്യയ്ക്ക് നഷ്ടമായത്. രണ്ടാം ഇന്നിങ്‌സിലും കോലിയെ വീഴ്ത്തിയത് ജാമിസണിന്റെ പന്ത് തന്നെ. 29 പന്തില്‍ 13 റണ്‍സുമായാണ് കോലി പുറത്തായത്. ജാമിസണ്‍ എറിഞ്ഞ പന്ത് ഓഫ് സൈഡിലേക്ക് തട്ടി സിംഗിള്‍ എടുക്കാനായിരുന്നു കോലിയുടെ ശ്രമം. എന്നാല്‍, എഡ്ജ് എടുത്ത് നേരെ കീപ്പര്‍ വാട്‌ലിങ്ങിന്റെ കൈകളിലേക്ക്. ഒന്നാം ഇന്നിങ്‌സിലും കോലിയെ പുറത്താക്കിയത് ജാമിസണ്‍ തന്നെ. ഐപിഎല്ലില്‍ കോലി നയിക്കുന്ന ബാംഗ്ലൂര്‍ റോയല്‍ ചലഞ്ചേഴ്‌സ് താരമാണ് ജാമിസണ്‍.