അനുബന്ധ വാര്ത്തകള്
- കടലാസിലെ ഏറ്റവും കരുത്തരായ ടീമുമായാണ് പോയത് എന്നിട്ടും, 2007ലെ ലോകകപ്പ് കരിയറിലെ വലിയ ദുഖമെന്ന് സെവാഗ്
- ലോക ടെസ്റ്റ് ചാമ്പ്യന്ഷിപ്പ് ഫൈനലില് ഇന്ത്യയെ എത്തിച്ചത് വാലറ്റത്തിന്റെ ബാറ്റിംഗ് പ്രകടനങ്ങള്, ഫൈനലിലും മികവ് ആവര്ത്തിക്കാനാവുമോ?
- ധോനി ഐപിഎൽ കിരീടം ഉയർത്തിയതിൽ സന്തോഷം, പക്ഷേ ഒരു ദുഖം മാത്രം ബാക്കി: യൂസ്വേന്ദ്ര ചാഹൽ
- ഹാർദ്ദിക് പാണ്ഡ്യ വളരെ എളുപ്പത്തിൽ തന്നെ ടെസ്റ്റ് ഫോർമാറ്റ് കൈവിട്ടു: ലാൻസ് ക്ലൂസ്നർ
- സ്കൈ എന്ന പേരിട്ടത് ഗൗതം ഗംഭീർ, പേര് വന്നതിനുള്ള കാരണം വ്യക്തമാക്കി സൂര്യകുമാർ യാദവ്
ബെന് സ്റ്റോക്സ് ടീമിനു യോജിക്കുന്ന താരമല്ലെന്ന് ചെന്നൈ മനസ്സിലാക്കി, അതുകൊണ്ടാണ് കളിപ്പിക്കാതിരുന്നത്: ആകാശ് ചോപ്ര
ഐപിഎല്ലില് ചെന്നൈ സൂപ്പര് കിങ്സ് ഏറെ പ്രതീക്ഷകളോടെ കണ്ടിരുന്ന താരമാണ് ബെന് സ്റ്റോക്സ്. എന്നാല് പരുക്കും ഫോം ഔട്ടും കാരണം സ്റ്റോക്സിന് ഈ സീസണില് ചെന്നൈയ്ക്ക് വേണ്ടി കാര്യമായി കളിക്കാന് സാധിച്ചില്ല. ഈ സീസണില് വെറും രണ്ട് കളികള് മാത്രമാണ് ചെന്നൈയ്ക്ക് വേണ്ടി സ്റ്റോക്സ് കളിച്ചത്. പരുക്കില് നിന്ന് മുക്തനായിട്ടും സ്റ്റോക്സിന് പിന്നീട് ചെന്നൈ പ്ലേയിങ് ഇലവനില് അവസരം ലഭിച്ചില്ല. തങ്ങളുടെ ടീം ഘടനയ്ക്ക് അനുയോജ്യനായ താരമല്ല ബെന് സ്റ്റോക്സ് എന്ന് ചെന്നൈ മനസിലാക്കിയെന്നും അതുകൊണ്ടാണ് പിന്നീട് അവസരം നല്കാതിരുന്നതെന്നും മുന് ഇന്ത്യന് താരം ആകാശ് ചോപ്ര പറഞ്ഞു.
'ഒരുപാട് പണം മുടക്കിയാണ് ബെന് സ്റ്റോക്സിനെ ചെന്നൈ സൂപ്പര് കിങ്സ് താരലേലത്തില് സ്വന്തമാക്കിയത്. ഏതാണ്ട് 16 കോടി രൂപ ചെന്നൈ സ്റ്റോക്സിന് വേണ്ടി ചെലവഴിച്ചു. പക്ഷേ, പിന്നീട് സംഭവിച്ചത് എന്താണ്? മൂന്നാം നമ്പറില് സ്റ്റോക്സിനെ ബാറ്റിങ്ങിന് ഇറക്കിയെങ്കിലും അദ്ദേഹം പരുക്കുമൂലം പുറത്തായി. പരുക്കു ഭേദമായി തിരിച്ചെത്തിയപ്പോഴോ, അദ്ദേഹം ടീമിന് യോജിക്കില്ലെന്ന യാഥാര്ഥ്യം ചെന്നൈ ടീം മാനേജ്മെന്റ് മനസ്സിലാക്കി,' ചോപ്ര പറഞ്ഞു.
16.25 കോടി രൂപ ചെലവഴിച്ചാണ് ചെന്നൈ സ്റ്റോക്സിനെ സ്വന്തമാക്കിയത്. ഓള്റൗണ്ടര് എന്ന നിലയില് മൊയീന് അലി ചെന്നൈ പ്ലേയിങ് ഇലവനില് സ്ഥാനം ഉറപ്പിച്ചപ്പോള് ബെന് സ്റ്റോക്സിന് പുറത്തിരിക്കേണ്ടി വന്നു.
