ഐപിഎല്‍ പതിനാറാം കിരീടം ചെന്നൈ സൂപ്പര്‍ കിംഗ്‌സ് സ്വന്തമാക്കിയതില്‍ സന്തോഷം പ്രകടിപ്പിച്ച് രാജസ്ഥാന്‍ റോയല്‍സ് താരമായ യൂസ്വേന്ദ്ര ചാഹല്‍. ധോനി കിരീടം ഉയര്‍ത്തിയത് വൈകാരികമായ നിമിഷമായിരുന്നുവെന്നും താന്‍ മാത്രമല്ല, രാജ്യമാകെ ആ കാഴ്ചയ്ക്കായി കാത്തിരിക്കുകയായിരുന്നുവെന്നും അങ്ങനെയൊന്ന് സംഭവിച്ചതില്‍ സന്തോഷമുണ്ടെന്നും ചാഹല്‍ പരഞ്ഞു. അതേസമയം ഐപിഎല്‍ ചരിത്രത്തിലെ ഏറ്റവും വലിയ വിക്കറ്റ് വേട്ടക്കാരനെന്ന നേട്ടം സ്വന്തമാക്കാനായും ഈ ഐപിഎല്ലില്‍ രാജസ്ഥാന്‍ റോയല്‍സ് ഗ്രൂപ്പ് ഘട്ടത്തില്‍ പുറത്തായതില്‍ നിരാശയുണ്ടെന്നും ചാഹല്‍ വ്യക്തമാക്കി.

വ്യക്തിപരമായ നേട്ടങ്ങള്‍ സ്വന്തമാക്കിയപ്പോഴും ടീമിന് പ്രയോജനം ലഭിക്കാത്തത് സങ്കടമുണ്ടാക്കി. അത് ക്രിക്കറ്റിന്റെ ഭാഗമാണെന്ന് അറിയാം. 2022 സീസണില്‍ രാജസ്ഥാന്‍ ഫൈനലിലെത്തിയിരുന്നു. ഇക്കുറി പ്ലേ ഓഫ് യോഗ്യത പോലും നേടാനായില്ല.മികച്ച ടീമാണ് രാജസ്ഥാന്റേത്. ഈ സീസണിലെ പിഴവുകള്‍ പരിഹരിച്ച് ടീം തിരിച്ചുവരും. സീസണ്‍ മികച്ച രീതിയില്‍ തുടങ്ങാനായെങ്കിലും രണ്ടാം ഘട്ടത്തില്‍ മോശമായി. അതിനെ ന്യായീകരിക്കുന്നില്ല. നന്നായി കളിക്കാത്തത് കൊണ്ടാണ് തോല്‍വികളുണ്ടായത്. ചാഹല്‍ പറഞ്ഞു.