മുംബൈ ഇന്ത്യയുടേതാണെന്നും എല്ലാ ഇന്ത്യക്കാര്‍ക്കും മുംബൈയില്‍ താമസിക്കാന്‍ അവകാശമുണ്ടെന്നുമുള്ള സച്ചിന്‍ ടെന്‍ഡുല്‍ക്കറിന്റെ പരാമര്‍ശത്തിനെതിരെ ശിവസേനാ നേതാവായിരുന്ന ബാല്‍ താക്കറെയാണ് മുന്‍പ് രംഗത്തെത്തിയത്.
ശിവസേനയുടെ മുഖ പത്രമായ സാമ്‌നയിലെ മുഖപ്രസംഗത്തിലാണ് താക്കറെ സച്ചിന്റെ പരാമര്‍ശത്തെ വിമര്‍ശിച്ചത്. രാജ്യാന്തര ക്രിക്കറ്റില്‍ 20വര്‍ഷം പൂര്‍ത്തിയാക്കിയ സാഹചര്യത്തില്‍ നടത്തിയ വാര്‍ത്താസമ്മേളനത്തിനിടെയായിരുന്നു സച്ചിന്‍ മുംബൈയിലെ മണ്ണിന്റെ മക്കള്‍ വാദത്തിനെതിരെ പരാമര്‍ശം നടത്തിയത്. രാഷ്ട്രീയത്തില്‍ ഇടപെടാതെ ക്രിക്കറ്റില്‍ ശ്രദ്ധിക്കാനാണ് താക്കറെ സച്ചിനെ ഉപദേശിച്ചത്.
