അനുബന്ധ വാര്ത്തകള്
- ഏപ്രില് 24, 25 തീയതികളില് സംസ്ഥാനത്ത് അത്യാവശ്യ സര്വീസുകള്ക്ക് മാത്രം അനുമതി
- മുന്നറിയിപ്പ്: ഏപ്രില് 22 മുതല് 26 വരെ സംസ്ഥാനത്ത് ശക്തമായ കാറ്റിനും ഇടിമിന്നലോട് കൂടിയ മഴയ്ക്കും സാധ്യത
- സജീവ കേസുകള് 23 ലക്ഷത്തിലേക്ക്; കൊവിഡ് വാക്സിന് സ്വീകരിച്ചവര് 13 കോടി കഴിഞ്ഞു
- 36000 കടന്ന് സ്വര്ണവില; തുടര്ച്ചയായി രണ്ടാം ദിവസവും വില കൂടി
- ഗുരുവായൂര് ആനക്കോട്ടയിലെ ആറ് പാപ്പാന്മാര്ക്ക് കോവിഡ്
കോട്ടയത്ത് 85 വാര്ഡുകള് മൈക്രോ കണ്ടെയ്ന്മെന്റ് സോണുകളായി പ്രഖ്യാപിച്ചു
കോട്ടയം: ജില്ലയില് 85 തദ്ദേശഭരണ സ്ഥാപന വാര്ഡുകള്കൂടി മൈക്രോ കണ്ടെയ്ന്മെന്റ് സോണുകളായി പ്രഖ്യാപിച്ച് ജില്ലാ കളക്ടര് എം. അഞ്ജന ഉത്തരവായി. രണ്ട് വാര്ഡുകള് പട്ടികയില് നിന്ന് ഒഴിവാക്കി. നിലവില് 65 ഗ്രാമപഞ്ചായത്തുകളിലും ആറു മുനിസിപ്പാലിറ്റികളിലുമായി ആകെ 588 മൈക്രോ കണ്ടെയ്ന്മെന്റ് സോണുകളാണുള്ളത്. നിലവില് ജില്ലയില് 10878 പേര് രോഗബാധിതരായി ചികിത്സയിലുണ്ട്. കഴിഞ്ഞ ഏതാനും ദിവസങ്ങളായി ടെസ്റ്റ് പോസിറ്റിവിറ്റി നിരക്കും ഉയര്ന്നു നില്ക്കുന്നു.
സമീപ ദിവസങ്ങളില് ജില്ലയില് രോഗം സ്ഥിരീകരിച്ചവരില് ഏറെപ്പേര്ക്കും കുടുംബത്തില്നിന്നുതന്നെയോ ചടങ്ങുകളില് പങ്കെടുത്തതിനെത്തുടര്ന്നോ വൈറസ് ബാധിച്ചതായാണ് കണ്ടെത്തിയിട്ടുള്ളത്. നിലവില് എട്ട് ക്ലസ്റ്ററുകളാണ് ജില്ലയിലുള്ളത്. ഇതില് നാലിടത്തും മരണാന്തര ചടങ്ങുകളില്നിന്നാണ് രോഗം പകര്ന്നത്. സമാന സാഹചര്യത്തില് രോഗപ്പകര്ച്ചയുണ്ടായ രണ്ടു മേഖലകള്കൂടി ഉടന് ക്ലസ്റ്ററുകളായി പ്രഖ്യാപിക്കും.
