അനുബന്ധ വാര്ത്തകള്
- കോവിഡ് കോണ്വലസന്റ് പ്ലാസ്മ ഉപയോഗിച്ച് കേരളത്തിലെ എല്ലാ സര്ക്കാര് മെഡിക്കല് കോളേജുകളിലും കോവിഡ് രോഗികളെ ചികിത്സിച്ചതായി ആരോഗ്യ വകുപ്പ് മന്ത്രി
- സ്വപ്നഭവനം പണിയും മുൻപ് ഇക്കാര്യങ്ങൾ ശ്രദ്ധിയ്ക്കണം, അറിയൂ !
- കുങ്കുമപ്പൂവും, കുഞ്ഞിന്റെ നിറവും; ഈ സത്യങ്ങൾ നിങ്ങൾ അറിയണം !
- കൊല്ലത്ത് പൊലീസുകാരനും കെഎസ്ആര്ടിസി കണ്ടക്ടര്ക്കും കൊവിഡ് സ്ഥിരീകരിച്ചു
- ഇടുക്കി സ്വദേശി കൊവിഡ് ബാധിച്ച് മരിച്ചു
എന്താണ് കോവിഡ് കോണ്വലസന്റ് പ്ലാസ്മ?; കേരളം വിജയിച്ചതിങ്ങനെ
രോഗം സുഖപ്പെട്ട വ്യക്തികളുടെ രക്തത്തിലെ പ്ലാസ്മ ഉപയോഗിച്ച് കോവിഡ് രോഗികളെ ചികിത്സിക്കുന്ന രീതിയാണ് കോവിഡ് കോണ്വലസന്റ് പ്ലാസ്മ തെറാപ്പി അഥവാ സിസിപി. ഈ ചികിത്സ ഉപയോഗിച്ച് 90 ശതമാനത്തിന് മുകളില് രോഗികളെയും രക്ഷിക്കാനായതായി ആരോഗ്യ മന്ത്രി കെകെ ശൈലജ ടീച്ചര് പറഞ്ഞു.
ഗുരുതരാവസ്ഥയിലുള്ള രോഗികളില് പോലും ഈ ചികിത്സ ഫലപ്രദമാണെന്ന് കണ്ടിട്ടുണ്ട്. പ്ലാസ്മ തെറാപ്പി കൊടുത്ത് ദിവസങ്ങള്ക്കുള്ളില് രോഗലക്ഷണങ്ങളില് വലിയ കുറവുണ്ടായിട്ടുണ്ട്. മഞ്ചേരി മെഡിക്കല് കോളേജിലാണ് ആദ്യത്തെ പ്ലാസ്മ ചികിത്സയും പ്ലാസ്മ ബാങ്കും തുടങ്ങിയത്. പരീക്ഷണമായി തുടങ്ങിയ പ്ലാസ്മ തെറാപ്പി വിജയകരമാണെന്ന് കണ്ടതിനെ തുടര്ന്ന് സംസ്ഥാനത്തെ പ്രധാന മെഡിക്കല് കോളേജുകളില് പ്ലാസ്മ ബാങ്ക് സജ്ജമാക്കാന് തീരുമാനിച്ചിട്ടുണ്ട്. ഐ.സി.എം.ആര്., സ്റ്റേറ്റ് പ്രോട്ടോകോള് എന്നിവയനുസരിച്ച് മെഡിക്കല് ബോര്ഡുകളുടെ അനുമതിയോടെയാണ് പ്ലാസ്മ ചികിത്സ നല്കുന്നത്.
