നടി വാണിവിശ്വനാഥ് സിനിമയിലേക്ക് തിരിച്ചെത്തുന്നു, 'ദി ക്രിമിനല്‍ ലോയര്‍' ടൈറ്റില്‍ ലോഞ്ച്, വീഡിയോ
കെ ആര്‍ അനൂപ്|
Last Modified ശനി, 23 ഒക്‌ടോബര്‍ 2021 (10:58 IST)
ഏഴ് വര്‍ഷത്തെ ഇടവേളയ്ക്ക് ശേഷം നടി വാണിവിശ്വനാഥ് സിനിമയിലേക്ക് തിരിച്ചെത്തുന്നു. ഭര്‍ത്താവ് ബാബുരാജിന്റെ 'ദി ക്രിമിനല്‍ ലോയര്‍' എന്ന ചിത്രത്തില്‍ നടിയും ഉണ്ടാകും. ടൈറ്റില്‍ ലോഞ്ച് തിരുവനന്തപുരത്ത് വെച്ച് നടന്നു.
ജിതിന്‍ ജിത്തു സംവിധാനം ചെയ്യുന്ന സിനിമ ക്രൈം ത്രില്ലര്‍ വിഭാഗത്തില്‍ പെടുന്നതാണ്.തിരക്കഥയൊരുക്കുന്നത് ഉമേഷ് എസ് മോഹനാണ്.തേര്‍ഡ് ഐ മീഡിയ മേക്കേഴ്‌സിന്റെ ബാനറിലാണ് ചിത്രമൊരുങ്ങുന്നത്.
2014ല്‍ പുറത്തിറങ്ങിയ മാന്നാര്‍ മത്തായി 2വിലാണ് നടി ഒടുവിലായി അഭിനയിച്ചത്.
വാണി വിശ്വനാഥും ബാബുരാജും 2002 ലായിരുന്നു വിവാഹിതരായത്.ആര്‍ച്ച, അദ്രി എന്നിവരാണ് മക്കള്‍.
