അനുബന്ധ വാര്ത്തകള്
- സിനിമയ്ക്ക് പുറത്തെ പരിചയം, സുഖമില്ലാത്ത സമയത്ത് ഫോണില് സംസാരിച്ചിരുന്നു: മോഹന്ലാല്
- ഭരതനും ശ്രീവിദ്യയും തമ്മില് പ്രണയത്തില് ! ഹംസമായി ലളിത, ഒടുവില് ഭരതന്റെ ജീവിതസഖി
- നിശബ്ദമായി ലളിത ചേച്ചിയുടെ മുഖത്ത് നോക്കി നിന്നു, ചുറ്റിലും നടന്നു; ഒന്നും മിണ്ടാതെ മമ്മൂട്ടി
- 'അമ്മയ്ക്ക് ഇടയ്ക്കിടെ ഓര്മ വന്നു പോയിക്കൊണ്ടിരിക്കും, അപ്പോള് പറഞ്ഞതാകും'; മരണത്തോട് അടുക്കുന്ന സമയത്തും ലളിതയുടെ മനസ്സില് സിനിമ മാത്രം
- നഷ്ടമായത് വ്യത്യസ്ത തലമുറകളുടെ ഹൃദയങ്ങളിലേക്ക് അഭിനയ പാടവം കൊണ്ട് ചേക്കേറിയ അതുല്യപ്രതിഭയെ: കെപിഎസി ലളിതയെ അനുസ്മരിച്ച് മുഖ്യമന്ത്രി
ലളിത ചേച്ചിയില്ലെങ്കില് ആ കഥാപാത്രവും ഇല്ല; പുതിയ സിനിമയില് നിന്ന് ഒരു കഥാപാത്രത്തെ വെട്ടി സത്യന് അന്തിക്കാട്
ജയറാം-മീര ജാസ്മിന് എന്നിവരെ കേന്ദ്ര കഥാപാത്രങ്ങളാക്കി സത്യന് അന്തിക്കാട് സംവിധാനം ചെയ്യുന്ന പുതിയ ചിത്രമാണ് മകള്. ഈ സിനിമയില് കെ.പി.എ.സി.ലളിതയ്ക്കും ഒരു പ്രധാന കഥാപാത്രം സംവിധായകന് നീക്കിവെച്ചിരുന്നു. ആദ്യം വിളിച്ചപ്പോള് താന് വരുമെന്ന് ലളിത അറിയിച്ചിരുന്നു. ആരോഗ്യപ്രശ്നങ്ങള് ലളിതയെ അലട്ടിയിരുന്ന സമയമാണ്. അതുകൊണ്ടാണ് സത്യന് അന്തിക്കാട് ലളിതയെ വിളിച്ച് ഉറപ്പ് വാങ്ങിയത്.
ലളിത ആരോഗ്യപ്രശ്നങ്ങളാല് വിശ്രമിക്കുകയാണെന്ന് അറിഞ്ഞു. പുതിയ സിനിമയില് ലളിത ചേച്ചിക്കും ഒരു കഥാപാത്രം മാറ്റിവെച്ചിട്ടുണ്ട്. ലളിത ചേച്ചിയെ വിളിച്ച് ഞാന് കാര്യം പറഞ്ഞു. ആരോഗ്യപ്രശ്നങ്ങള് ഉണ്ടല്ലേ, വരാന് സാധിക്കുമോ എന്ന് ചോദിച്ചു. ഞാന് വരും സത്യാ...എത്തിക്കോളാം...അതൊന്നും കുഴപ്പമില്ല എന്നായിരുന്നു ലളിത ചേച്ചിയുടെ മറുപടി. പിന്നീട് മകന് സിദ്ധാര്ത്ഥ ഭരതനെ വിളിച്ചപ്പോഴാണ് കാര്യം മനസ്സിലായത്. അമ്മയ്ക്ക് ഇടയ്ക്കിടെ ഓര്മ വന്നു പോയിക്കൊണ്ടിരിക്കുമെന്നും അപ്പോള് പറഞ്ഞതാകുമെന്നും സിദ്ധാര്ത്ഥ് പറഞ്ഞു. അത്രയും ആരോഗ്യ പ്രശ്നങ്ങള് ഉള്ള സമയത്തും ലളിത ചേച്ചിയുടെ മനസ്സില് സിനിമ മാത്രമായിരുന്നെന്നും സത്യന് അന്തിക്കാട് പറഞ്ഞു.
ഒടുവില് ലളിത ചേച്ചിക്ക് ആ സിനിമയില് അഭിനയിക്കാന് പറ്റില്ലെന്ന് ഉറപ്പായതോടെ ആ കഥാപാത്രത്തെ തന്നെ ഒഴിവാക്കിയെന്ന് സത്യന് അന്തിക്കാട് പറയുന്നു.
