Klique.com; കേരളത്തിന് ഇനി സ്വന്തം ഹൈപ്പർലോക്കൽ സിവിക് പ്ലാറ്റ്ഫോം
ജനങ്ങൾക്കും സർക്കാർ സംവിധാനങ്ങൾക്കും ഇടയിലുള്ള വിടവ് കുറയ്ക്കുക എന്നതാണ് ക്ലിക്കിന്റെ പ്രധാന ലക്ഷ്യങ്ങളിലൊന്ന്
പ്രാദേശിക പ്രശ്നങ്ങൾ കണ്ടെത്താനും അവയ്ക്ക് പരിഹാരം തേടുന്ന ജനങ്ങളുടെയും സാമൂഹിക പ്രവർത്തകരുടെയും ശ്രമങ്ങൾക്ക് കരുത്തേകാനും പൊതുഅധികാരികളുടെ ഉത്തരവാദിത്തം ശക്തിപ്പെടുത്താനും ലക്ഷ്യമിട്ട് പ്രവർത്തിക്കുന്ന ഡിജിറ്റൽ വേദിയാണ് Kliqe.com (ക്ലിക്ക് ഡോട്ട് കോം).
ജനങ്ങൾക്കും സർക്കാർ സംവിധാനങ്ങൾക്കും ഇടയിലുള്ള വിടവ് കുറയ്ക്കുക എന്നതാണ് ക്ലിക്കിന്റെ പ്രധാന ലക്ഷ്യങ്ങളിലൊന്ന്. ജനങ്ങളുടെ ആവശ്യങ്ങൾ ബന്ധപ്പെട്ട അധികാരികളുടെ ശ്രദ്ധയിൽ ഫലപ്രദമായി എത്തിക്കുകയും പരിഹാരത്തിനായി ഉത്തരവാദിത്തപരമായ സമ്മർദ്ദം സൃഷ്ടിക്കുകയും ചെയ്യുന്നു.
ഒരു തെരുവുവിളക്ക് നന്നാക്കുന്നതു മുതൽ തകർന്ന റോഡ്, മാലിന്യപ്രശ്നം, പൊതുസൗകര്യങ്ങളുടെ അപര്യാപ്തത തുടങ്ങി കേരളത്തിന്റെ വിവിധ ഭാഗങ്ങളിൽ ജനങ്ങൾ നേരിടുന്ന പ്രാദേശിക വിഷയങ്ങൾ വസ്തുതകളുടെ അടിസ്ഥാനത്തിൽ പൊതുശ്രദ്ധയിലേക്കും അധികാരികളുടെ ശ്രദ്ധയിലേക്കും കൊണ്ടുവരാൻ ക്ലിക്ക് ശ്രമിക്കുന്നു. സമൂഹമാധ്യമങ്ങളിലൂടെ ജനങ്ങളെ ബോധവത്കരിക്കുകയും പരിഹാരശ്രമങ്ങൾക്ക് പൊതുപിന്തുണ സൃഷ്ടിക്കുകയും ചെയ്യുന്നതും ഇതിന്റെ ഭാഗമാണ്.
അതേസമയം, പ്രശ്നങ്ങൾ ചൂണ്ടിക്കാണിക്കുന്ന ഒരു പ്ലാറ്റ്ഫോം മാത്രമല്ല ക്ലിക്ക്. സമൂഹത്തിനായി പ്രവർത്തിക്കുന്ന വ്യക്തികളെയും കൂട്ടായ്മകളെയും മുൻനിരയിലേക്ക് കൊണ്ടുവരുന്ന ഒരു കമ്മ്യൂണിറ്റിയായും ഇത് പ്രവർത്തിക്കുന്നു. പ്രാദേശിക പൊതുപ്രവർത്തനങ്ങൾ, ജനപങ്കാളിത്തത്തോടെയുള്ള ഇടപെടലുകൾ, പൊതുജീവിതവുമായി ബന്ധപ്പെട്ട വിവരങ്ങൾ എന്നിവയും Kliqe.com ജനങ്ങളിലേക്ക് എത്തിക്കുന്നു.
ജനങ്ങളുടെ ശബ്ദത്തിന് കരുത്തേകുക, പരിഹാരശ്രമങ്ങളെ പിന്തുണയ്ക്കുക, സമൂഹത്തിനായി പ്രവർത്തിക്കുന്നവരെ ഒരുമിപ്പിക്കുക, പൊതുസംവിധാനങ്ങളുടെ ഉത്തരവാദിത്തം ശക്തിപ്പെടുത്തുക - ഈ ലക്ഷ്യങ്ങളോടെയാണ് കേരളത്തിന്റെ ആദ്യ ഹൈപ്പർലോക്കൽ സിവിക് പ്ലാറ്റ്ഫോമായ Kliqe.com പ്രവർത്തിക്കുന്നത്.
കൂടുതൽ അറിയാൻ സന്ദർശിക്കൂ: Kliqe.com (ക്ലിക്ക് ഡോട്ട് കോം)
