അനുബന്ധ വാര്ത്തകള്
- Mammootty: 'ആര്ക്കും എന്നെ വേണ്ട, പ്രേക്ഷകര് കൈവിട്ടു, സിനിമയിലുണ്ടാകില്ലെന്ന് ഞാന് ഉറപ്പിച്ചു'; കരിയറിലെ മോശം സമയത്തെ കുറിച്ച് മമ്മൂട്ടി (വീഡിയോ)
- Happy Birthday Mammootty: മലയാളത്തിന്റെ മഹാനടന് ഇന്ന് 73-ാം പിറന്നാള്
- എഐ പഠിക്കാന് കമല്ഹാസന് അമേരിക്കയിലേക്ക്; ചെയ്യുന്നത് 90 ദിവസത്തെ കോഴ്സ്
- മലയാള സിനിമയില് മൂന്നുതരം മാഫിയകളുണ്ട്; ഇത് സ്ത്രീകളുടേതല്ല, ആണുങ്ങള് തമ്മിലുള്ള പോരാട്ടമാണെന്ന് സന്തോഷ് പണ്ഡിറ്റ്
- കനത്ത മഴയില് തെലുങ്കാനയിലും ആന്ധ്രയിലും ദുരിതത്തിലായവര്ക്ക് താങ്ങായി അല്ലു അര്ജുന്; ഒരു കോടി രൂപ സംഭാവന നല്കി
Mammootty: നിരാശയോടെ മടങ്ങാന് നിന്ന ആരാധകര്ക്കു മുന്നിലേക്ക് വീഡിയോ കോളില് എത്തി മമ്മൂട്ടി; കുടുംബത്തിനൊപ്പം കേക്ക് മുറിച്ചു (വീഡിയോ)
മമ്മൂട്ടിക്ക് നേരിട്ട് ആശംസകള് നേരാനാണ് ആരാധകര് കൊച്ചി കടവന്ത്രയിലെ വീടിനു മുന്നിലെത്തിയത്
Mammootty Birthday
Mammootty: മലയാളത്തിന്റെ മെഗാസ്റ്റാര് മമ്മൂട്ടി ഇന്ന് 73-ാം ജന്മദിനം ആഘോഷിക്കുകയാണ്. സിനിമ താരങ്ങളും രാഷ്ട്രീയ പ്രമുഖരും മുതല് സാധാരണക്കാരായ ആരാധകര് വരെ മമ്മൂട്ടിക്ക് ജന്മദിനാശംസകള് നേരുന്ന തിരക്കിലാണ്. പതിവ് പോലെ രാത്രി 12 മണിക്ക് കൊച്ചിയിലെ മമ്മൂട്ടിയുടെ വീട്ടിലേക്ക് നൂറുകണക്കിനു ആരാധകര് എത്തി.
മമ്മൂട്ടിക്ക് നേരിട്ട് ആശംസകള് നേരാനാണ് ആരാധകര് കൊച്ചി കടവന്ത്രയിലെ വീടിനു മുന്നിലെത്തിയത്. എന്നാല് ഈ സമയത്ത് മമ്മൂട്ടി വീട്ടില് ഉണ്ടായിരുന്നില്ല. മമ്മൂട്ടിയെ കാണാതെ തിരിച്ചുപോകേണ്ടി വരുമെന്ന് ആരാധകര് കരുതി. അപ്പോഴാണ് നിരാശപ്പെട്ടു നില്ക്കുന്ന തന്റെ ആരാധകര്ക്കു മുന്നിലേക്ക് സര്പ്രൈസ് ആയി മമ്മൂട്ടി വീഡിയോ കോളില് എത്തുന്നത്. ഭാര്യ സുല്ഫത്ത്, മകന് ദുല്ഖര് സല്മാന്, ദുല്ഖറിന്റെ മകള് മറിയം എന്നിവരേയും വീഡിയോ കോളില് കാണാമായിരുന്നു. ആരാധകര്ക്കു നന്ദി പറഞ്ഞ മമ്മൂട്ടി വീഡിയോ കോളില് തുടര്ന്ന് കുടുംബത്തോടൊപ്പം കേക്ക് മുറിച്ചു. ആരാധകര് തങ്ങളുടെ പ്രിയപ്പെട്ട മമ്മൂക്കയ്ക്ക് ജന്മദിനാശംസകള് നേരുകയും ചെയ്തു.
ജന്മദിന ദിവസം വീടിനു മുന്നിലെത്തുന്ന ആരാധകരെ മട്ടുപ്പാവില് വന്ന് മമ്മൂട്ടി കാണാറുണ്ടായിരുന്നു. മമ്മൂട്ടിയെ കണ്ട ശേഷം ആരാധകര് മടങ്ങുകയാണ് പതിവ്. മുന് വര്ഷങ്ങളില് വീടിനു മുന്നില് തടിച്ചുകൂടിയ ആരാധകര്ക്ക് മമ്മൂട്ടി മധുരം നല്കുകയും ചെയ്തിരുന്നു.
