Gokul Suresh and Suresh Gopi : ആരാധകര്‍ക്ക് ഏറെ ഇഷ്ടപ്പെട്ട താരങ്ങളാണ് സുരേഷ് ഗോപിയും മകന്‍ ഗോകുല്‍ സുരേഷും. ഇരുവരും ഒന്നിച്ച് അഭിനയിച്ച പാപ്പന്‍ ജൂലൈ 29 ന് തിയറ്ററുകളിലെത്തുകയാണ്. അച്ഛനും മകനും ഒന്നിക്കുന്ന ചിത്രം കാണാന്‍ ആരാധകര്‍ വലിയ പ്രതീക്ഷകളോടെയാണ് കാത്തിരിക്കുന്നത്. പാപ്പന്‍ സിനിമയുടെ പ്രചാരണത്തിനിടെ അച്ഛന്റെ ഇഷ്ടപ്പെട്ട സിനിമയെ കുറിച്ച് തുറന്നുപറഞ്ഞിരിക്കുകയാണ് ഗോകുല്‍.

രണ്ടാം ഭാവമാണ് അച്ഛന്റെ ഏറ്റവും ഇഷ്ടപ്പെട്ട ചിത്രമെന്ന് ഗോകുല്‍ പറഞ്ഞു. ഓരോ പ്രായത്തിലും അച്ഛന്റെ ഓരോ ചിത്രങ്ങളായിരുന്നു ഇഷ്ടം. മൂന്ന് നാല് വയസ്സുള്ള സമയത്ത് ലേലമായിരുന്നു ഏറ്റവും ഇഷ്ടപ്പെട്ട ചിത്രം. പിന്നെ അത് കമ്മിഷണര്‍ ആയി. പിന്നെ ഭരത്ചന്ദ്രന്‍ ഐപിഎസ്. ഇപ്പോഴത്തെ ചിന്താഗതിയില്‍ അച്ഛന്റെ ഏറ്റവും ഇഷ്ടപ്പെട്ട സിനിമ രണ്ടാം ഭാവമാണെന്നും ഗോകുല്‍ പറഞ്ഞു.