അനുബന്ധ വാര്ത്തകള്
- തോളില് തട്ടിയിട്ടും മമ്മൂട്ടി തിരിഞ്ഞുനോക്കിയില്ല, നാണംകെടാന് നില്ക്കാതെ സുരേഷ് ഗോപി പിന്വാങ്ങി; സൂപ്പര്താരങ്ങളുടെ പിണക്കവും ഇണക്കവും
- പ്രായം പിന്നോട്ട് തന്നെ, മമ്മൂട്ടിയുടെ പുത്തന് ഫോട്ടോഷൂട്ടും വൈറലാകുന്നു, ചിത്രം പങ്കുവെച്ച് സംവിധായകന് അജയ് വാസുദേവ്
- 'മെഗാസ്റ്റാര് ക്ലിക്ക്'; ഇതാരാ മമ്മൂട്ടിയോ? രമേശ് പിഷാരടിയുടെ പുതിയ ചിത്രം വൈറലാകുന്നു
- മമ്മൂട്ടിയുടെ നമ്പര് വണ് സ്നേഹതീരത്തിലെ കുട്ടികള്, ഒരാള് സിനിമയില് സജീവം, പുതിയ ചിത്രങ്ങള് കാണാം
- ആ മോഹന്ലാല് ചിത്രത്തില് മോനിഷയ്ക്ക് പകരം ആദ്യം തീരുമാനിച്ചത് ആശ ശരത്തിനെ! ഫോണ് വിളിച്ചു പറഞ്ഞത് ജയറാം
എനിക്ക് ശേഷം വന്നിട്ടും ജയറാമും ദിലീപുമൊക്കെ സ്റ്റാറായി, അസൂയയുണ്ടായിരുന്നു: കെ.ബി ഗണേഷ് കുമാർ
ഒരു കാലത്ത് മലയാള സിനിമകളിൽ സജീവമായി നിന്നിരുന്ന നടനായിരുന്നു ഗണേഷ് കുമാർ. ചുരുങ്ങിയ സമയത്ത് തന്നെ നിരവധി ചിത്രങ്ങൾ ചെയ്തുവെങ്കിലും ഒരു താരമായി ഉയരാൻ ഗണേഷിനായിരുന്നില്ല. ഇപ്പോഴിതാ സിനിമയിൽ വലിയൊരു താരമാവാൻ സാധിക്കാത്തതിനെ പറ്റി മനസ്സ് തുറന്നിരിക്കുകയാണ് താരം.
തനിക്ക് ശേഷം വന്ന ജയറാമും ദിലീപും സിനിമയില് കാര്യമായ സ്ഥാനം നേടിയപ്പോള് അവരോട് തനിക്ക് അസൂയ തോന്നിയിരുന്നതായി മനോരമ ന്യൂസിന് നൽകിയ അഭിമുഖത്തിലാണ് ഗണേഷ് വെളിപ്പെടുത്തിയത്. എന്റെ ഒരു മുപ്പത് വയസ്സുവരെ ജയറാമിനോടും ദിലീപിനോടുമൊക്കെ എനിക്ക് അസൂയയുണ്ടായിരുന്നു. എനിക്ക് ശേഷം വന്ന ഇവര് എന്നെക്കാള് പോപ്പുലറായപ്പോള് എനിക്ക് അതുപോലെയാവാൻ കഴിഞ്ഞില്ലല്ലോ എന്ന് കരുതിയിട്ടുണ്ട്.
മമ്മൂക്കയെ പോലെയും മോഹന്ലാലിനെപ്പോലെയും ആകുക എന്നതായിരുന്നു എന്റെ ലക്ഷ്യം. ഇവരെപോലെ സമ്പാദിച്ച് ബി.എം.ഡബ്ല്യൂ വണ്ടിയെടുക്കുക എന്നൊക്കെയായിരുന്നു എന്റെ ചിന്ത. പിന്നീട് ഒരു പ്രത്യേക ഘട്ടത്തില് ഞാന് ഒറ്റപ്പെട്ടു. അപ്പോള് എനിക്ക് മനസ്സിലായി എനിക്ക് വിധിക്കപ്പെട്ടത് ഇതൊക്കെയാണെന്ന്. സഹവേഷങ്ങളൊക്കെ ചെയ്ത്, ഒരു സ്വഭാവ നടനായി നില്ക്കാം എന്ന് കരുതി. അതുകൊണ്ട് തൃപ്തിപ്പെടാമെന്ന് വിചാരിച്ചു. കെബി ഗണേഷ്കുമാർ പറഞ്ഞു.
