'അജയന്റെ രണ്ടാം മോഷണത്തിന്റെ' ടീസര്‍ ലോഞ്ചുമായി ഏഷ്യാനെറ്റ് ടെലിവിഷന്‍ അവാര്‍ഡ്സ് 2024
asianet
ഏഷ്യാനെറ്റ് ടെലിവിഷന്‍ അവാര്‍ഡ്സ് 2024 ന്റെ വേദിയില്‍ വച്ച് താരങ്ങളായ ടോവിനോ തോമസ് , കൃതി ഷെട്ടി , ഹരീഷ് ഉത്തമന്‍ , ജഗദീഷ് , സംവിധായകന്‍ ജിതിന്‍ ലാല്‍ , തിരക്കഥാകൃത്ത് സുജിത് എന്നിവര്‍ചേര്‍ന്ന് ' അജയന്റെ രണ്ടാം മോഷണത്തിന്റെ ' ടീസര്‍ ലോഞ്ച് ചെയ്തു.
ടെലിവിഷന്റെ ചരിത്രത്തെയും മാറ്റങ്ങളെയും പ്രതിപാദിച്ചുകൊണ്ട് അണിയിച്ചൊരുക്കിയ ഈ അവാര്‍ഡ്‌ഷോ കലാകാരന്മാരും കാഴ്ചക്കാരും ഒരേ സ്റ്റേജിന്റെ ഭാഗമായി മാറുന്ന ഒരു അപൂര്‍വ്വകാഴ്ച പ്രേക്ഷകര്‍ക്ക് സമ്മാനിച്ചു. ഈ വേദിയില്‍വച്ച് ചലച്ചിത്രതാരവും കേന്ദ്രമന്ത്രിയുമായ സുരേഷ് ഗോപിയെ ആദരിച്ചു.
പ്രമുഖ താരങ്ങളായ അനുശ്രീ , സുധീര്‍ കരമന , ടിനി ടോം , ആശ ശരത് , ഹരീഷ് കണാരന്‍ , സാസ്ഥിക , അസീസ് നെടുമങ്ങാട് , മണിക്കുട്ടന്‍ , പ്രേം കുമാര്‍ ജനപ്രിയ പരന്പരകളിലെ താരങ്ങള്‍ തുടങ്ങി നിരവധിപേര്‍ ഈ സദസ്സിന് മിഴിവേകി. ടെലിവിഷന്‍ പുരസ്‌ക്കാരങ്ങളുടെ പ്രഖ്യാപനത്തിനും വിതരണത്തിനും പുറമെ ഈ വേദിയില്‍ ക്രിക്കറ്റ് താരം ശ്രീശാന്ത് , ചലച്ചിത്രതാരം മുകേഷ് , മലയാളത്തിന്റെ വാനമ്പാടി കെ എസ് ചിത്ര എന്നിവരെ ആദരിച്ചു. ലൈഫ് ടൈം അച്ചീവ്മെന്റ് അവാര്‍ഡ് ചലച്ചിത്രതാരം ജഗദീഷ് ഏറ്റുവാങ്ങി. രഞ്ജിനി ഹരിദാസ് , വിധു പ്രതാപ് , മീനാക്ഷി എന്നിവര്‍ ഈ ഷോയുടെ അവതാരകരായിരുന്നു. ജനപ്രിയ ടെലിവിഷന്‍ താരങ്ങളും സിനിമാതാരങ്ങളും അവതരിപ്പിച്ച നൃത്തവിസ്മയങ്ങളും കോമഡി സ്‌കിറ്റുകളും , കണ്ടമ്പററി ഡാന്‍സുകളും സദസ്സിനെ ഇളക്കി മറിച്ചു. ഈ അവാര്‍ഡ് നിശ ഏഷ്യാനെറ്റില്‍ സെപ്റ്റംബര്‍ 7 , 8 തീയതികളില്‍ ( ശനി , ഞായര്‍ ) വൈകുന്നേരം 7 മണി മുതല്‍ സംപ്രേക്ഷണം ചെയുന്നു .
