അനുബന്ധ വാര്ത്തകള്
- അശ്വതി ശ്രീകാന്ത് രണ്ടാമതും അമ്മയായി
- ഒരു ദിവസം കൊണ്ട് 1 മില്യണ് കാഴ്ചക്കാര്, വളകാപ്പ് വീഡിയോയുമായി അശ്വതി ശ്രീകാന്ത്
- രാജീവ് ഗാന്ധിയുടെ പേരില് പുതിയ പുരസ്കാരം പ്രഖ്യാപിച്ച് മഹാരാഷ്ട്ര
- 'ഞങ്ങളുടെ ആദ്യത്തെ ഇന്റര്നാഷണല് അവാര്ഡ്'; സന്തോഷം പങ്കുവച്ച് വിഘ്നേഷ് ശിവന്
- 'പച്ച'യെ ന്യൂയോര്ക്ക് ഫിലിം ഫെസ്റ്റിവല് ഐഓയില് മികച്ച പരിസ്ഥിതി ചിത്രമായി തെരഞ്ഞെടുത്തു
സംസ്ഥാന ടെലിവിഷന് അവാര്ഡുകള് പ്രഖ്യാപിച്ചു, മികച്ച നടി അശ്വതി ശ്രീകാന്ത്, മികച്ച നടന് ശിവജി ഗുരുവായൂര്
2020 ലെ സംസ്ഥാന ടെലിവിഷന് അവാര്ഡുകള് പ്രഖ്യാപിച്ചു. ചക്കപ്പഴം എന്ന സീരിയലിലൂടെ അഭിനയത്തിലേക്ക് ചുവട് വെച്ച അവതാരിക അശ്വതി ശ്രീകാന്തിനാണ് മികച്ച നടിയ്ക്കുളള അവാര്ഡ്.മികച്ച നടനായി ശിവജി ഗുരുവായൂര് തെരഞ്ഞെടുക്കപ്പെട്ടു. ഫ്ലവേഴ്സ് ചാനലിലെ കഥയറിയാതെ എന്ന സീരിയലിലെ അഭിനയത്തിനാണ് നടന് അവാര്ഡ് ലഭിച്ചത്. മികച്ച രണ്ടാമത്തെ നടി ശാലു കുര്യന്.മഴവില് മനോരമയിലെ അക്ഷരത്തെറ്റ് എന്ന പരമ്പരയിലെ അഭിനയത്തിനാണ് അവാര്ഡ്. മികച്ച രണ്ടാമത്തെ നടനുള്ള അവാര്ഡ് ചക്കപ്പഴം എന്ന സീരിയലിലെ നടനായ റാഫി നേടി.
'കള്ളന് മറുത' മികച്ച ടെലിഫിലിം ആയി തെരഞ്ഞെടുക്കപ്പെട്ടു.റജിന് കെ സി ആണ് സംവിധാനം ചെയ്തത്. മറിമായത്തിലെ സലിം ഹസ്സന് മികച്ച ഹാസ്യാഭിനേതാവ് ആയും ദൂരദര്ശനിലെ 'ഒരിതള്'ലെ ഗൗരി മീനാക്ഷി മികച്ച ബാലതാരമായും തെരഞ്ഞെടുക്കപ്പെട്ടു. കള്ളന് മറുതയിലെ ശരണ് ശശിധരന് മികച്ച ഛായാഗ്രാഹകന്,ആന്റി ഹീറോയിലെ വിഷ്ണു വിശ്വനാഥന് മികച്ച ചിത്രസംയോജകന്,അച്ഛനിലെ വിനീഷ് മണി മികച്ച സംഗീത സംവിധായകനുളള അവാര്ഡ് നേടി.
കലാമൂല്യവും സാങ്കേതിക മികവും പ്രകടമാക്കുന്ന സൃഷ്ടികള് ഒന്നുംതന്നെ കണ്ടെത്താന് സാധിക്കാത്തതിനാല് ടെലി സീരിയല് വിഭാഗത്തില് അവാര്ഡ് നല്കേണ്ടെന്ന് ജൂറി തീരുമാനിച്ചു. അതേപോലെ തന്നെ മികച്ച സംവിധായകനും ഇത്തവണ കണ്ടെത്തിയില്ല.മികച്ച കലാസംവിധായകനും ഇപ്രാവശ്യം അവാര്ഡ് ഇല്ല.
