അനുബന്ധ വാര്ത്തകള്
- മോഹന്ലാലിനെ കാണാനായില്ല,ബോസ് സീസണ് 3 ഫിനാലെ ഈ മാസം, വിശേഷങ്ങളുമായി മണിക്കുട്ടന്
- ബിഗ് ബോസ് ഫിനാലെ ഉടന്; വിജയി മണിക്കുട്ടനെന്ന് സൂചന
- 'ഇത്തിരി ഇല്ലാത്ത പൊടി കൊച്ചിനോട് അട്രാക്ഷനോ! ഫുക്രു മകനെ പോലെ'; സുഹൃത്തിനെ കെട്ടിപ്പിടിക്കാത്തവരാണോ ഇവിടെ ഉള്ളതെന്നും മഞ്ജുവിന്റെ ചോദ്യം
- ബിഗ് ബോസ് മുന് മത്സരാര്ഥിയെ ലിഫ്റ്റില് കടന്നുപിടിക്കാന് ശ്രമം; യുവാവിനെതിരെ താരം പരാതി നല്കി
- ക്ലിയോപാട്രയായി ബിഗ് ബോസ് താരം സൂര്യ, ഫോട്ടോഷൂട്ട് തരംഗമാകുന്നു
ബിഗ് ബോസ് സീസണ് 3 വിന്നറായി മണിക്കുട്ടന്
ബിഗ് ബോസ് മലയാളം സീസണ് മൂന്നിലെ വിജയിയെ പ്രഖ്യാപിച്ചു. ബിഗ് ബോസ് കാണികള് പ്രതീക്ഷിച്ചതുപോലെ തന്നെ സംഭവിച്ചു. മത്സരം ആരംഭിച്ച ദിവസം മുതല് പ്രേക്ഷകരുടെ ഇഷ്ടതാരമായ മണിക്കുട്ടനാണ് ബിഗ് ബോസ് സീസണ് മൂന്നിന്റെ വിജയി. ഷോ അവതാരകനും സൂപ്പര്സ്റ്റാറുമായ മോഹന്ലാല് ആണ് ഗ്രാന്ഡ് ഫിനാലെയില് വിജയിയെ പ്രഖ്യാപിച്ചത്.
കോണ്ഫിഡന്റ് ഗ്രൂപ്പ് നല്കുന്ന 75 ലക്ഷം രൂപ വിലയുള്ള ഫ്ളാറ്റാണ് ഒന്നാം സ്ഥാനത്തെത്തിയ മണിക്കുട്ടന് സമ്മാനമായി ലഭിക്കുക.
അവസാന നാല് സ്ഥാനക്കാരായി വന്നത് റംസാന് മുഹമ്മദ്, ഡിംപിള് പാല്, സായ് കൃഷ്ണ, മണിക്കുട്ടന് എന്നിവരാണ്. സായ്കൃഷ്ണയാണ് മണിക്കുട്ടനു പിന്നില് രണ്ടാം സ്ഥാനത്തെത്തിയത്. ഡിംപിള് പാല് മൂന്നാം സ്ഥാനവും റംസാന് മുഹമ്മദ് നാലാം സ്ഥാനവും കരസ്ഥമാക്കി.
തമിഴ്നാട്ടിലെ കോവിഡ് നിയന്ത്രണങ്ങളെ തുടര്ന്നാണ് 95-ാം ദിവസമായ മെയ് 19ന് ബിഗ് ബോസ് 3 അവസാനിപ്പിക്കേണ്ടിവന്നത്. മത്സരം 95-ാം ദിവസം അവസാനിപ്പിച്ചെങ്കിലും ടൈറ്റില് വിന്നറെ പ്രഖ്യാപിക്കാന് അണിയറ പ്രവര്ത്തകര് തീരുമാനിക്കുകയായിരുന്നു. അവശേഷിച്ച എട്ട് മത്സരാര്ഥികള്ക്കായി ഒരാഴ്ചത്തെ വോട്ടിങ് അനുവദിച്ചിരുന്നു. ഇതനുസരിച്ചുള്ള വോട്ടിങ് മേയ് 29 നാണ് അവസാനിച്ചത്. ഈ വോട്ടിങ്ങിന്റെ അടിസ്ഥാനത്തിലാണ് വിജയിയെ തീരുമാനിച്ചത്.
