അനുബന്ധ വാര്ത്തകള്
- ലാലേട്ടന് മുന്നിൽ ക്ലാപ്പ് ബോർഡ് അടിച്ച് തുടങ്ങിയ ജീവിതം, മറക്കണം എങ്കിൽ എന്റെ സിനിമകൾ എല്ലാം ഞാൻ മറക്കണം: ദിലീപ് !
- കാവ്യ വീണ്ടും സിനിമയിലേക്ക് വരുമോ?; താൻ ആർക്കും അതിർവരമ്പുകൾ വച്ചിട്ടില്ലെന്ന് ദിലീപ്
- തിയേറ്ററിൽ ശ്രദ്ധിക്കപ്പെടാതെ പോയി, ഡിവിഡി ഇറങ്ങിയപ്പോൾ ഹിറ്റായി; നന്ദി പറഞ് നമിത പ്രമോദ്
- ലാൽ ജോസും പൃഥ്വിരാജും വീണ്ടും ഒന്നിക്കുന്നു, സിനിമയുടെ പ്രഖ്യാപനം നാൽപ്പത്തിയൊന്നിന്റെ വിജയാഘോഷത്തിനിടെ
- അന്ന് ആൾക്കൂട്ടത്തിനിടയിൽ നിന്നും ഒരു നോക്ക് കണ്ടു, ഇന്ന് സ്വന്തം ചേട്ടനു തുല്യം! - മമ്മൂട്ടി തനിക്കാരെന്ന് തുറന്ന് പറഞ്ഞ് ദിലീപ്
ആക്രമിക്കപ്പെട്ട നടി അടക്കം വിശ്വസിച്ചിരിക്കുന്നത് തെറ്റ്, ദിലീപ് അങ്ങനെ ചെയ്യില്ല: ലാൽ ജോസ്
കൊച്ചിയിൽ നടി ആക്രമിക്കപ്പെട്ട കേസിൽ ജാമ്യത്തിലിറങ്ങിയ നടൻ ദിലീപിനെ പിന്തുണച്ച് സംവിധായകനും സുഹൃത്തുമായ ലാൽ ജോസ്. ദിലീപ് അങ്ങനെ ചെയ്തിട്ടില്ല എന്ന് അന്നും ഇന്നും താൻ വിശ്വസിക്കുന്നുവെന്ന് ലാൽ ജോസ് വ്യക്തമാക്കി. ദിലീപ് കേസ് വിവാദമായ സമയത്തും ദിലീപിനെ പിന്തുണച്ച് ലാൽ ജോസ് രംഗത്തെത്തിയിരുന്നു.
'എന്നെ സംബന്ധിച്ചിടത്തോളം അവൻ ചെയ്തിട്ടില്ല എന്ന് നൂറ് ശതമാനം അറിയുമെന്നിരിക്കേ, അവൻ അങ്ങനെ ചെയ്തിട്ടുണ്ട് എന്ന് വിശ്വസിക്കുന്നവരോട്, അങ്ങനെയല്ല അവൻ ചെയ്തിട്ടില്ല എന്ന് പറയേണ്ട ആവശ്യം എനിക്കില്ലേ?. അവനത് ചെയ്തിട്ടില്ല എന്ന് അവരോട് ഞാൻ പറയേണ്ടതാണ്. ആക്രമിക്കപ്പെട്ട നടി അടക്കം അവനാണ് അങ്ങനെ ചെയ്തതെന്ന് വിശ്വസിച്ചിരിക്കുന്നത് തെറ്റാണെന്ന് കടുത്ത ബോധ്യം എനിക്കുണ്ട്. അതൊരിക്കലും മാറാൻ പോകുന്നില്ല.‘
‘അതിൽ അവന് യാതോരു പങ്കുമില്ലെന്ന് എനിക്ക് നൂറ് ശതമാനം അറിയാം. ഒരു തെറ്റ് ചെയ്താൽ കോടതി വിധിക്കുമ്പോൾ മാത്രമേ പ്രതിയെന്ന് വിളിക്കാനാകൂ. അവന് നേരെയുള്ളത് ആരോപണമാണ്. ആ ആരോപണത്തിന്റെ പേരിൽ അയാളും അയാളുടെ കുടുംബവും അനുഭവിച്ചത് എന്തൊക്കെയാണ്?. അവനെ കല്ലെറിയുക എന്ന് ആർത്ത് വിളിക്കുന്നവർക്ക് അവനെ അറിയില്ല. എനിക്ക് നന്നായിട്ടറിയാം അവനെ.‘- അടുത്തിടെ ഒരു മാധ്യമത്തിന് നൽകിയ അഭിമുഖത്തിൽ ലാൽ ജോസ് പറഞ്ഞു.
