അനുബന്ധ വാര്ത്തകള്
- സംസ്ഥാനത്തിന്റെ പൊതുകടം 3.31 ലക്ഷം കോടി, ഓരോ മലയാളിക്കും 95,000 രൂപയുടെ ബാധ്യത
- സ്വർണ വിലയിൽ ഇടിവ്
- രാജ്യത്ത് 3 വർഷത്തിനിടെ ചുമത്തപ്പെട്ടത് 4,690 യുഎപിഎ കേസുകൾ, കേരളത്തിൽ മാത്രം 55 പേർക്കെതിരെ കേസ്
- ഇന്ന് കൊവിഡ് സ്ഥിരീകരിച്ച 3377 പേരില് 1742 പേര് രണ്ടുഡോസ് വാക്സിനും സ്വീകരിച്ചിരുന്നു
- സംസ്ഥാനത്ത് ഇന്ന് 3377 പേർക്ക് കോവിഡ്, 28 മരണം
ഭൂരേഖകൾ ആധാറുമായി ബന്ധിപ്പിക്കണം, ഇനി ഒറ്റ തണ്ടപ്പേർ: സർക്കാർ വിജ്ഞാപനമിറങ്ങി
കേരളത്തിൽ ഭൂമിക്ക് ഏക തണ്ടപ്പേർ സംവിധാനം നടപ്പാക്കുന്നതിന് തുടക്കമായി. ഭൂമി സംബന്ധിച്ച വിവരം ഉടമയുടെ ആധാറുമായി ബന്ധിപ്പിക്കുന്നതിന് സർക്കാർ വിജ്ഞാപനമിറക്കി. യൂണിക് തണ്ടപേർ വരുന്നതോടെ പൗരന് സംസ്ഥാനത്തുള്ള എല്ലാ ഭൂമിക്കും 13 അക്കമുള്ള ഒറ്റ തണ്ടപേരാകും.
ഒറ്റ തണ്ടപ്പേർ സംവിധാനം വരുന്നതോടെ ഭൂമി ഇടപാടിലെ ക്രമക്കേടുകളും ബിനാമി ഇടപാടുകളും തടയാനാകും. അധികഭൂമി കണ്ടെത്തി ഭൂരഹിതർക്ക് നൽകുക. വിവിധ ക്ഷേമപദ്ധതികളിലെ അനർഹരെ കണ്ടെത്തുക തുടങ്ങിയവയ്ക്കും ഇത് സഹായിക്കും. രാജ്യത്താദ്യമായി കേരളത്തിലാണ് പദ്ധതി ആരംഭിക്കുന്നത്.
വിജ്ഞാപനം പുറത്തുവന്നതോടെ ഇത് സംബന്ധിച്ച തുടർനടപടികൾക്ക് ആരംഭമാവും. പുതുതായി ഭൂമി രജിസ്റ്റർ ചെയ്യുന്നവരുടെയും നിലവിലെ ഭൂവുടമകളുടെയും ആധാർ,മൊബൈൽ നമ്പരുകൾ വില്ലേജ് ഓഫീസുകൾ ശേഖരിച്ച് തുടങ്ങും. കഴിഞ്ഞവർധം ഫെബ്രുവരിയിൽ തന്നെ പദ്ധതി നടപ്പിലാക്കാൻ സംസ്ഥാനം ഉത്തരവിറക്കിയെങ്കിലും ആധാർ ലിങ്ക് ചെയ്യുന്നതിൽ കേന്ദ്രാനുമതി വേണമായിരുന്നു. കഴിഞ്ഞ ഓഗസ്റ്റിലാണ് ഇതിന് അനുമതി ലഭിച്ചത്.
