വാരണാസിയിലെ കാശിമഠത്തിന്‍റെ 20-ാമത്തെ അധിപതിയും ഗൗഢ സാരസ്വത ബ്രാഹ്മണ സമൂഹത്തിന്‍റെ ആധ്യാത്മിക ആചാര്യനും സനാതനധര്‍മ്മത്തിന്‍റെ പ്രചാരകനുമായ സ്വാമി സുകൃതീന്ദ്ര തീര്‍ഥയ്ക്ക് മേയ് 20ന് 83 വയസ്സാവുന്നു. 2008 മേയ് 24 സ്വാമികളുടെ സന്യാസ ജീവിതത്തിന്‍റെ 63 വര്‍ഷം പൂര്‍ത്തിയാവുന്ന ദിനം കൂടിയാണ്.
ഭാരത പൈതൃകത്തില്‍ ദ്വൈത ദര്‍ശനത്തിന്‍റെ മധു പകര്‍ന്ന മാധ്വാചാര്യയുടെ പിന്‍തലമുറക്കാരനാണ് സ്വാമി സുകൃതീന്ദ്ര തീര്‍ത്ഥ. ഗൗഢ സാരസ്വത സമൂഹത്തിന് മാത്രമല്ല ഹൈന്ദവ സമൂഹത്തിന് ആകമാനം പ്രഭ ചൊരിയുന്ന തേജസ്സാണ് സുകൃതീന്ദ്ര തീര്‍ത്ഥ സ്വാമികള്‍.
എറണാകുളത്ത് രാമദാസ ഷേണായിയുടെയും ദ്രൗപതി ഷേണായിയുടെയും മകനായി 1926 മേയില്‍ ഇടവത്തിലെ ചോതി നക്ഷത്രത്തില്‍ ജനിച്ച സദാശിവ ഷേണായിയാണ് 1944 മേയ് 24ന് സ്വാമി സുകൃതീന്ദ്ര തീര്‍ഥയായി മാറിയത്. നാള്‍ പ്രകാരമുള്‍ല പിറന്നാള്‍ 18 ന് ആയിരുന്നു
