അനുബന്ധ വാര്ത്തകള്
- ജയലളിതയുടെ മണ്ഡലത്തില് മത്സരിക്കുമെന്ന് വിശാല്; തിങ്കളാഴ്ച നാമനിര്ദേശ പത്രിക സമര്പ്പിക്കും
- ജയലളിതയ്ക്ക് ഒരു മകള് ഉണ്ട്, എല്ലാക്കാര്യങ്ങളും ശശികലയ്ക്കും നടരാജനും അറിയാം - ജയലളിതയുടെ സഹോദരന് വെളിപ്പെടുത്തുന്നു
- ജയലളിതയുടെ കുഞ്ഞിന്റെ പിതാവ് ശോഭന് ബാബു തന്നെ - പുതിയ വെളിപ്പെടുത്തല് !
- അദ്ദേഹം വളരെ മാന്യനെന്ന് ദേവയാനി, തന്തയില്ലാത്തവനെന്ന് ഷംന കാസിം!
- ‘തമിഴ് റോക്കേഴ്സി’ന്റെ വിളയാട്ടം ; സിനിമ വ്യവസായത്തിന്റെ അടിത്തറയിളകുമോ?
വിശാലിന്റെ നാമനിര്ദ്ദേശ പത്രിക തള്ളി, ആര്കെ നഗറില് നാടകീയ രംഗങ്ങള്
അന്തരിച്ച മുന് മുഖ്യമന്ത്രി ജയലളിതയുടെ നിയമസഭാ മണ്ഡലമായ ആര്കെ നഗറില് നടക്കാനിരിക്കുന്ന ഉപതെരഞ്ഞെടുപ്പിലേക്കായി നടന് വിശാല് സമര്പ്പിച്ച നാമനിര്ദ്ദേശ പത്രിക തള്ളി. ജയലളിതയുടെ ബന്ധുവായ ദീപ ജയകുമാറിന്റെ പത്രികയും തള്ളിയിട്ടുണ്ട്.
സ്വതന്ത്ര സ്ഥാനാര്ത്ഥിയായാണ് വിശാല് ഇവിടെ മത്സരിക്കാന് ഉദ്ദേശിച്ചിരുന്നത്. നാമനിര്ദ്ദേശപത്രിക തള്ളാനുള്ള യഥാര്ത്ഥ കാരണത്തില് അവ്യക്തതയുണ്ട്. എന്നാല്, വിശാലിനെതിരായ ഈ നടപടി രാഷ്ട്രീയ നീക്കമാണെന്നാണ് വിശാല് അനുകൂലികള് ആരോപിക്കുന്നത്.
വിശാല് മത്സരിച്ചാല് എഐഡിഎംകെ, ഡിഎംകെ കക്ഷികളുടെ വോട്ടില് ഭിന്നിപ്പുണ്ടാകുമെന്ന് ഉറപ്പായിരുന്നു. ഇത് മനസിലാക്കിയ മുന്നണികളാണ് ഈ നടപടിക്ക് പിന്നിലെന്നാണ് വിശാല് അനുകൂലികള് ആരോപിക്കുന്നത്. നിലവില് സിനിമാ പ്രൊഡ്യൂസേഴ്സ് കൌണ്സില് പ്രസിഡന്റും നടികര് സംഘം ജനറല് സെക്രട്ടറിയുമാണ് വിശാല്.
ആര്കെ നഗര് നിയമസഭാ മണ്ഡലത്തില് ഡിസംബര് പതിനേഴിനാണ് ഉപതെരഞ്ഞെടുപ്പ്. ഇ മധുസൂദനനാണ് എഐഎഡിഎംകെയുടെ സ്ഥാനാര്ത്ഥി. മുരുഡു ഗണേഷാണ് ഡിഎംകെ സ്ഥാനാര്ഥി.
