മുടിവെട്ടിയ ശേഷം ബാര്‍ബറുടെ ഫ്രീ മസാജില്‍ 30കാരന് സ്‌ട്രോക്ക് വന്നു. കര്‍ണാടകയിലെ ബല്ലാരിയിലാണ് സംഭവം. മുടിവെട്ടിയശേഷം തലമസാജ് ചെയ്യുന്നത് ഇവിടെ പതിവാണ്. യുവാവിന്റെ തല ഇരുവശത്തേക്കും വെട്ടിച്ചതാണ് പ്രശ്‌നമായത്. ഇതോടെ വേദന ആരംഭിക്കുകയായിരുന്നു. വീട്ടിലെത്തിയതിന് പിന്നാലെ വേദന ശക്തമാകുകയും നിലതെറ്റുകയും സംസാരിക്കാന്‍ സാധിക്കാതാവുകയും ചെയ്തു. ഇടതുവശം തളരുകയും ചെയ്തു.

കഴുത്ത് വെട്ടിച്ചത് മൂലമാണ് രക്തക്കുഴലുകള്‍ക്ക് പരിക്കേറ്റ് രക്തയോട്ടം കുറഞ്ഞതെന്ന് ഡോക്ടര്‍ പറഞ്ഞു. ഇതേതുടര്‍ന്ന് രണ്ട് മാസത്തോളം ചികിത്സയില്‍ കഴിയേണ്ടിവന്നുവെന്നും യുവാവ് പറയുന്നു.