ന്യൂഡല്‍ഹി|
VISHNU N L|
Last Modified വ്യാഴം, 23 ജൂലൈ 2015 (13:48 IST)
പ്രധാനമന്ത്രി നരേന്ദ്ര മോഡിയെ ലോകത്തെ പത്ത് ക്രിമിനലുകളില്‍ ഒരാളായി ചിത്രീകരിച്ചതിന്റെ അലയൊലികള്‍ അടങ്ങിയതിനു പിന്നാലെ മോഡിയെ വിഡ്ഡിയാക്കിക്കൊണ്ട് ഗൂഗിള്‍ വീണ്ടും പണിപറ്റിച്ചു. ഇന്ത്യയിലെ വിഡ്ഡികളായ പ്രധാനമന്ത്രിമാര്‍ എന്ന് ഗൂഗിള്‍ ഇമേജില്‍ തിരഞ്ഞാല്‍ നല്‍കുന്ന ഉത്തരത്തില്‍ ഭൂരിഭാഗവും പ്രധാനമന്ത്രി നരേന്ദ്ര മോഡിയുടേതാണ്.
ഒരു പാക്‌ മാധ്യമമാണ്‌ വാര്‍ത്ത പുറത്തുവിട്ടിട്ടുള്ളത്‌. തെരയലിന്റെ ചിത്രങ്ങള്‍ സഹിതമാണ്‌ മാധ്യമം വാര്‍ത്ത കൊടുത്തിട്ടുള്ളത്‌. ഇന്ത്യന്‍ പ്രധാനമന്ത്രിക്കൊപ്പം ഓസ്‌ട്രേലിയന്‍ പ്രധാനമന്ത്രി ടോണി അബോട്ട്‌, ബ്രിട്ടീഷ്‌ പ്രധാനമന്ത്രി ഡേവിഡ്‌ കാമറൂണ്‍, കനേഡിയന്‍ പ്രധാനമന്ത്രി സ്‌റ്റീഫന്‍ ഹാര്‍പ്പര്‍, തുര്‍ക്കി പ്രസിഡന്റ്‌ റെസെപ്പ്‌ തയ്യിപ്പ്‌ എര്‍ഡോഗന്‍ എന്നിവരും പട്ടികയിലുണ്ട്‌.
ഈ വര്‍ഷം ആദ്യമാണ്‌ ലോകത്തെ ടോപ്‌ ടെന്‍ ക്രിമിനലുകളുടെ പട്ടികയില്‍ പെടുത്തി ഗൂഗിള്‍ ഇന്ത്യന്‍ പ്രധാനമന്ത്രിയെ അപമാനിച്ചത്‌. പ്രതിഷേധം ശക്തമായ സാഹചര്യത്തില്‍ ഗൂഗിള്‍ ഈ പട്ടിക പിന്നീട്‌ നീക്കം ചെയ്യുകയായിരുന്നു. ഈ വാര്‍ത്തയില്‍ ഗൂഗിളിന്റെ പ്രതികരണം ലഭ്യമായിട്ടില്ല.
