അഭിമാന നിമിഷം; രാജ്യത്തെ ആദ്യ സ്വകാര്യ റോക്കറ്റിന്റെ വിക്ഷേപണം ഇന്ന്
രാജ്യത്തെ ആദ്യ സ്വകാര്യ റോക്കറ്റിന്റെ വിക്ഷേപണം ഇന്ന് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നടക്കും. ഹൈദരബാദ് ആസ്ഥാനമായ സ്കൈറൂട്ട് എയ്റോസ്പേസ് എന്ന സ്പേസ് സ്റ്റാര്ട്ടപ്പിന്റെ 'വിക്രം-എസ്' എന്ന റോക്കറ്റ് രാവിലെ 11.30 നാണ് വിക്ഷേപിക്കുന്നത്. ഇന്ത്യന് ബഹിരാകാശ പദ്ധതിയുടെ പിതാവ് വിക്രം സാരാഭായിയോടുള്ള ആദരസൂചകമായാണ് വിക്ഷേപണ വാഹനത്തിനു 'വിക്രം-എസ്' എന്ന് പേരിട്ടിരിക്കുന്നത്. 2018 ല് രൂപംകൊണ്ട സ്റ്റാര്ട്ടപ് കമ്പനിയാണ് സ്കൈറൂട്ട് എയ്റോസ്പേസ്.
