അനുബന്ധ വാര്ത്തകള്
- NH 66:കൂരിയാട് ദേശീയപാത: റോഡ് പൊളിച്ചുമാറ്റി വയഡക്റ്റ് നിർമിക്കാൻ തീരുമാനം, 6 മാസത്തിനുള്ളിൽ പൂർത്തിയാക്കാൻ നിർദേശം
- ദേശീയപാത തകര്ന്ന സംഭവം: കരാറുകാരായ കെഎന്ആര് കണ്സ്ട്രേഷന്സിനെ ഡീബാര് ചെയ്ത് കേന്ദ്ര ട്രാന്സ്പോര്ട്ട് മന്ത്രാലയം
- ദേശീയ പാത തകര്ന്ന സംഭവം: കരാര് കമ്പനിയുടെ ഓഫീസിലേക്ക് മാര്ച്ച് നടത്തി ഡിവൈഎഫ്ഐ, ഓഫീസ് അടിച്ചുതകര്ത്തു
- അഹമ്മദാബാദ് വിമാന അപകടത്തില് നിന്ന് രക്ഷപ്പെട്ട യാത്രക്കാരന് വിശ്വാസ് കുമാര് ആശുപത്രി വിട്ടു
- Annual Fastag: 3000 രൂപ മാത്രം, വാർഷിക ഫാസ്ടാഗ് സംവിധാനം വരുന്നു, രാജ്യത്തെ ഹൈവേ യാത്ര സുഗമമാക്കാൻ വമ്പൻ പ്രഖ്യാപനവുമായി നിതിൻ ഗഡ്കരി
ദേശീയപാതകളില് ഇനി ടോളില്ല, പകരം മറ്റൊന്ന്; ഓഗസ്റ്റ് 15 മുതല് പ്രാബല്യത്തില്
സ്വകാര്യ വാഹനങ്ങളിലാണ് ഇത് നടപ്പാക്കുക.
ന്യൂഡല്ഹി: ദേശീയപാതകളില് ടോളിന്(Toll) പകരം വാര്ഷിക പാസ് നടപ്പിലാക്കുമെന്ന് റോഡ് ഗതാഗത, ഹൈവേ മന്ത്രി നിതിന് ഗഡ്കരി. 3,000 രൂപ വിലയുള്ള ഫാസ് ടാഗ് അധിഷ്ഠിത വാര്ഷിക പാസാണ് സര്ക്കാര് അവതരിപ്പിക്കുകയെന്നും ഗഡ്കരി എക്സ് പോസ്റ്റില് പറഞ്ഞു. ഓഗസ്റ്റ് 15 മുതൽ ഇത് പ്രാബല്യത്തിൽ വരുമെന്നും അദ്ദേഹം വ്യക്തമാക്കി. സ്വകാര്യ വാഹനങ്ങളിലാണ് ഇത് നടപ്പാക്കുക.
വാർഷിക പാസ് എടുത്ത തീയതി മുതല് ഒരു വര്ഷം വരെ, അല്ലെങ്കില് 200 യാത്രകള് വരെ പാസ് ഉപയോഗിക്കാം. ഇതില് ആദ്യം വരുന്നതാണ് പരിഗണിക്കുകയെന്നും അദ്ദേഹം പറഞ്ഞു. ഓഗസ്റ്റ് 15 മുതല് പുറത്തിറക്കുന്ന ഈ പാസ് വാണിജ്യ വാഹനങ്ങള്ക്ക് ബാധകമല്ല എന്നും അദ്ദേഹം കൂട്ടിച്ചേർത്തു. വാര്ഷിക പാസ് നിലവില് വരുന്നതോടെ രാജ്യത്തുടനീളമുള്ള ദേശീയ പാതകളിലൂടെ സുഗമവും ചെലവ് കുറഞ്ഞതുമായ യാത്ര സാധ്യമാകുമെന്നും കേന്ദ്രമന്ത്രി പറഞ്ഞു.
ആക്ടിവേഷനും പാസ് പുതുക്കുന്നതിനുള്ള ലിങ്ക് ഉടന് തന്നെ രാജ്മാര്ഗ് യാത്ര ആപ്പിലും എംഎച്ച്എഐ (നാഷണല് ഹൈവേസ് അസോസിയേഷന് ഓഫ് ഇന്ത്യ), റോഡ് ട്രാന്സ്പോര്ട്ട് ആന്ഡ് ഹൈവേസ് മന്ത്രാലയം എന്നിവയുടെ ഔദ്യോഗിക വെബ്സൈറ്റുകളിലും ലഭ്യമാക്കുമെന്നും ഗഡ്കരി പറഞ്ഞു.
