അനുബന്ധ വാര്ത്തകള്
- ചന്ദ്രയാന് മൂന്ന് ഇന്ന് അമ്പിളിയെ തൊടും, ദൗത്യം വിജയിച്ചാല് ഇന്ത്യ ചന്ദ്രനില് സോഫ്റ്റ് ലാന്ഡിങ് നടത്തുന്ന നാലാമത്തെ രാജ്യമാകും
- ലോക ചെസ് ചാമ്പ്യന്ഷിപ്പില് ഫൈനലില് എത്തിയ പ്രഗ്നാനന്ദയ്ക്ക് ആശംസകള് നേര്ന്ന് സച്ചിന് ടെണ്ടുല്ക്കര്
- നാളെ ചന്ദ്രയാന് ലാന്ഡിംഗ് ശാസ്ത്രസാങ്കേതിക മ്യൂസിയത്തില് തല്സമയം കാണാന് സൗകര്യം
- ചെസ് ലോകകപ്പില് ആര് പ്രഗ്നാനന്ദ ഫൈനലിലെത്തി, എതിരാളി മാഗ്നസ് കാള്സണ്
- ബലാത്സംഗത്തിനിരയായ അതിജീവിതയ്ക്ക് 27 ആഴ്ച പ്രായമുള്ള ഗര്ഭം അലസിപ്പിക്കാന് അനുമതി നല്കി സുപ്രീംകോടതി
Chandrayaan 3 Landing Count down: ചന്ദ്രോപരിതലത്തില് മാസ് എന്ട്രി നടത്താന് 'വിക്രം'; ഇങ്ങനെ സംഭവിച്ചാല് മാത്രം പദ്ധതി ലക്ഷ്യം കാണില്ല, ഓഗസ്റ്റ് 27 ലേക്ക് മാറ്റും
അതേസമയം ചന്ദ്രയാന് 3 ദൗത്യത്തിനു ചില പ്രതിസന്ധികളേയും തരണം ചെയ്യേണ്ടി വന്നേക്കാം
Chandrayaan 3 Landing Count down: രാജ്യത്തിന്റെ അഭിമാനമാകാന് ചന്ദ്രയാന് 3. ഇന്ത്യന് സമയം ഇന്ന് വൈകിട്ട് 6.04 നാണ് ചന്ദ്രയാന് 3 ചന്ദ്രോപരിതലത്തില് സോഫ്റ്റ് ലാന്ഡിങ് നടത്തുക. ചന്ദ്രയാന് 3 ന്റെ ലാന്ഡര് (വിക്രം) റോവറും (പ്രഗ്യാന്) ഉള്പ്പെടുന്ന ലാന്ഡിങ് മൊഡ്യുള് ആണ് ചന്ദ്രന്റെ ദക്ഷിണ ധ്രുവ പ്രദേശത്തിനു സമീപം സ്പര്ശിക്കാനായി തയ്യാറെടുക്കുന്നത്. ചന്ദ്രയാന്റെ ലാന്ഡര് ആയ വിക്രം ലാന്ഡിങ് നടത്തിയ ഏതാനും നിമിഷങ്ങള്ക്കുള്ളില് ചന്ദ്രോപരിതലത്തിന്റെ ചിത്രങ്ങള് ഓര്ബിറ്റല് വഴി ഭൂമിയിലെ കണ്ട്രോള് സെന്ററിലേക്ക് എത്തുമെന്നാണ് ഐഎസ്ആര്ഒ അറിയിച്ചത്.
ഇത്തവണ വിക്രം വളരെ സുരക്ഷിതമായി ലാന്ഡ് ചെയ്യുമെന്ന പ്രതീക്ഷയിലാണ് ശാസ്ത്ര ലോകം. വിക്രം സുരക്ഷിതമായി ചന്ദ്രോപരിതലത്തില് ലാന്ഡ് ചെയ്താല് ഈ നേട്ടം കൈവരിക്കുന്ന നാലാമത്തെ രാജ്യമായി ഇന്ത്യ മാറും.
അതേസമയം ചന്ദ്രയാന് 3 ദൗത്യത്തിനു ചില പ്രതിസന്ധികളേയും തരണം ചെയ്യേണ്ടി വന്നേക്കാം. ലാന്ഡിങ്ങിന് അനുയോജ്യമല്ലാത്ത കാലാവസ്ഥയാണെങ്കില് വിക്രം ലാന്ഡിങ് നടത്തുകയില്ല. ലാന്ഡിങ്ങിനുള്ള സ്ഥലം അനുയോജ്യമല്ലെന്ന് ലാന്ഡറിന് തോന്നിയാല് ദൗത്യം ഓഗസ്റ്റ് 27 ലേക്ക് നീട്ടാനാണ് സാധ്യത. ചന്ദ്രോപരിതലത്തിലെ പൊടിയും മര്ദ്ദവും വിക്രത്തിന്റെ ലാന്ഡിങ്ങിനെ പ്രതികൂലമായി ബാധിച്ചേക്കും.
