ഷൊർണൂർ എം എൽ എ പി കെ ശശിക്കെതിരായ ലൈംഗിക പീഡന പരാതി മറച്ചുവയ്‌ക്കാൻ ശ്രമിച്ചെന്ന ആരോപണം അടിസ്ഥാനരഹിതമെന്ന് സി പി എം പോളിറ്റ് ബ്യൂറോ അംഗം ബൃന്ദാ കാരാട്ട്.

'കേന്ദ്രനേതൃത്വത്തിന് പരാതി ലഭിക്കുന്നതിന് മുമ്പ് സംസ്ഥാന നേതൃത്വം നടപടി എടുത്തിരുന്നു. സ്‌ത്രീകൾക്കെതിരായ ലൈംഗിക അതിക്രമങ്ങൾ പാർട്ടി വച്ചുപൊറുപ്പിക്കില്ല'- ബൃന്ദാ കാരാട്ട് വ്യക്തമാക്കി.

ഡി വൈ എഫ് ഐ ജില്ലാനേതാവായ യുവതിയാണ് ശശിക്കെതിരെ സി പി എമ്മിന്റെ ദേശീയ നേതൃത്വത്തിന് അടക്കം പരാതി നല്‍കിയിട്ടുള്ളത്.