ബിജെപി പാർലമെന്ററി ബോർഡിൽ അഴിച്ചു പണി. പാര്‍ട്ടിയിലെ മുതിര്‍ന്ന നേതാക്കളായ എൽകെ അദ്വാനി,​ മുരളി മനോഹർ ജോഷി,​ അടൽ ബിഹാരി വാജ്പേയി എന്നിവരെ ഒഴിവാക്കിയാണ് പാർലമെന്ററി ബോർഡ് രൂപികരിച്ചത്. അതേസമയം ദേശീയ അദ്ധ്യക്ഷൻ അമിത് ഷാ,​ മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ,​ ജെപി നഡ്ഡ എന്നിവരെ ബോർഡിൽ ഉൾപ്പെടുത്തി.

അദ്വാനി,​ ജോഷി,​ വാജ്പേയി എന്നിവരെ ഉൾപ്പെടുത്തി മാർനിർദ്ദേശക സമിതിക്കും ബിജെപി രൂപം നൽകിയിട്ടുണ്ട്. ഇതാദ്യമായാണ് ഇത്തരമൊരു സമിതിയെ ബിജെപി നിയോഗിക്കുന്നത്.

അമിത് ഷാ,​ നരേന്ദ്ര മോഡി ,​ രാജ്നാഥ് സിംഗ്,​ അരുൺ ജെയ്റ്റ്‌ലി,​ സുഷമാ സ്വരാജ്,​ വെങ്കയ്യ നായിഡു,​ നിതിൻ ഗഡ്കരി,​ അനന്ത് കുമാർ,​ തവർചന്ദ് ഗെഹ്‌ലോട്ട്,​ ശിവരാജ് സിഗ് ചൗഹാൻ,​ ജെപി.നഡ്ഡ,​ രാംലാൽ എന്നിവരാണ് ബോര്‍ഡിലെ അംഗങ്ങള്‍.

മോഡിയുടെ നേരതൃത്വത്തിലുള്ള മന്ത്രിസഭയിൽ 75 വയസ് കഴിഞ്ഞവരെ ഒഴിവാക്കാനുള്ള തീരുമാനത്തിന്റെ തുടർച്ചയാണ് പാർലമെന്ററി ബോർഡിന്റെ കാര്യത്തിലും ബിജെപി സ്വീകരിച്ചിരിക്കുന്നത്.