അരവിന്ദ് കെജരിവാളിന്റെ വീടിന് നേരെ ബിജെപി ആക്രമണം, ഗേറ്റ് തകർത്തു
ഡൽഹി മുഖ്യമന്ത്രി അരവിന്ദ് കെജരിവാളിന്റെ വീടിന് നേരെ ബിജെപി പ്രവർത്തകരുടെ ആക്രമണം. കശ്മീരി ഫയൽസ് എന്ന സിനിമയെ പറ്റി അരവിന്ദ് കെജ്രിവാൾ നടത്തിയ പരാമർശത്തിനെതിരെ നടത്തിയ പ്രതിഷേധമാണ് സംഘർഷത്തിൽ കലാശിച്ചത്.
ബിജെപി എംപി തേജസ്വി സൂര്യയുടെ നേതൃത്വത്തിലായിരുന്നു പ്രകടനം. മുഖ്യമന്ത്രിയുടെ വസതിക്ക് മുന്നിലെ ഗേറ്റ് ബിജെപി പ്രവർത്തകർ അടിച്ചുതകർത്തു. സുരക്ഷാവേലി മറികടന്നാണ് വീടിന്റെ ഗേറ്റ് തകർത്തത്. തിരെഞ്ഞെടുപ്പിലൂടെ തോൽപ്പിക്കാൻ കഴിയാത്തതിനാൽ ബിജെപി കെജരിവാളിനെ കൊല്ലാൻ ശ്രമിക്കുകയാണെന്ന് ആം ആദ്മി നേതാവ് മനീഷ് സിസോദിയ പറഞ്ഞു.
BJP's MP or a Sadak Chhap Gunda?@Tejasvi_Surya #ArrestTejasviSurya pic.twitter.com/lP2pP0RhAs
— AAP (@AamAadmiParty) March 30, 2022
ഡൽഹി നിയമസഭയിൽ കെജ്രിവാൾ നടത്തിയ പരാമർശമാണ് ബിജെപിയെ പ്രകോപിപ്പിച്ചത്. കശ്മീരി ഫയൽസ് സിനിമ വ്യാജമാണെന്നാണ് കെജ്രിവാൾ അഭിപ്രായപ്പെട്ടത്.
