മുൻ പ്രധാനമന്ത്രിയും മുതിർന്ന കോൺഗ്രസ് നേതാവമായ മന്‍മോഹന്‍ സിംഗിനെതിരെ പരിഹാസവുമായി പ്രധാനമന്ത്രി നരേന്ദ്ര മോദി.

റെയിൻ കോട്ട്​ ധരിച്ച്​ കൊണ്ട്​ കുളിക്കാൻ മന്‍‌മോഹന് മാത്രമെ കഴിയു. അദ്ദേഹത്തിന്റെ ഭരണകാലത്ത് അഴിമതികള്‍ ഒട്ടേറെയുണ്ടായിട്ടും അദേഹത്തിനുമേല്‍ അതിന്റെ കറയേല്‍ക്കാതിരുന്നത് ഇതുകൊണ്ടാണെന്നും രാജ്യസഭയില്‍ മോദി പരിഹസിച്ചു. മോദിയുടെ വാക്കുകളിൽ ​പ്രതിഷേധിച്ച്​ കോൺഗ്രസ്​ അംഗങ്ങൾ രാജ്യസഭയിൽ നിന്ന്​ ഇറങ്ങിപ്പോയി.

രാഷ്ട്രപതിയുടെ നന്ദി പ്രമേയത്തിന് രാജ്യസഭയില്‍ മറുപടി പറയുന്നതിനിടെയാണ് മോദിയുടെ പരാമര്‍ശം. മോദിക്ക് മറുപടി പറയേണ്ടതില്ലെന്ന് മന്‍മോഹന്‍ സിംഗും പ്രതികരിച്ചു. എന്നാൽ, മോദിയുടെ പ്രതികരണം തരംതാഴ്ന്നതാണെന്ന് മുൻ കേന്ദ്രമന്ത്രി പി ചിദംബരം പ്രതികരിച്ചു.