ഞാനൊരു സാമൂഹ്യജീവിയാണ്. ഒരു സംഗീതജ്ഞനും മാനത്തുനിന്ന് പൊട്ടി വീ‍ഴുന്നില്ല. അവന് സോഷ്യല്‍- ഇക്കണോമിക് പൊളിറ്റിക്കല്‍ കണക്‍ഷനുണ്ട്. ചരിത്രങ്ങളുള്ളതാണ്. ഒരു തുടര്‍ച്ചയാണ്. 16 എം എം പ്രൊജക്ടറും തൂ‍ക്കി ജോണ്‍ എബ്രഹാമിന്റെ സിനിമകളുമായി നടന്നിട്ടുണ്ട്, ഫിലിംഫെസ്റ്റിവലിനും മറ്റും. അന്ന് ഇന്നത്തെ സോ കോള്‍ഡ് കൊമേഴ്സ്യല്‍ സിനിമക്കാര്‍ പുച്ഛിച്ചിട്ടുണ്ട്, ദാ പോകുന്നു കുട്ടി ബുദ്ധിജീവികളെന്നൊക്കെ പറഞ്ഞ്.