ലോഹിതദാസുമായി പിരിഞ്ഞതിന് ശേഷം സിബി മലയില് കാമ്പുള്ള സിനിമകള് തരുന്നില്ല എന്ന പ്രേക്ഷകരുടെ പരാതിക്ക് പരിഹാരം കണ്ട സിനിമയായിരുന്നു എന്റെ വീട് അപ്പൂന്റേം. സഞ്ജയ് - ബോബി ടീമായിരുന്നു ചിത്രത്തിന്റെ തിരക്കഥ. ജയറാമും മകന് കാളിദാസനും ജ്യോതിര്മയിയുമായിരുന്നു താരങ്ങള്. കാളിദാസന്റെ അഭിനയമികവിനാലും വ്യത്യസ്ത പ്രമേയമായതിനാലും ‘എന്റെ വീട് അപ്പൂന്റേം’ പ്രേക്ഷകരുടെ പ്രിയപ്പെട്ട സിനിമയായി.
