സിനിമയുണ്ടാക്കണമെങ്കില്‍ കനത്ത ഇന്‍റര്‍വെല്‍ പഞ്ചും ക്ലൈമാക്സിന് മുമ്പുള്ള ട്വിസ്റ്റും ഒരു കോടിയെങ്കിലും മിനിമം മുടക്കുള്ള ക്ലൈമാ‍ക്സും ലൊക്കേഷനായി വരിക്കാശ്ശേരി മനയും വേണമെന്ന ചില സംവിധായകരുടെ പിടിവാശിക്കേറ്റ ആഘാതമായിരുന്നു സോള്‍ട്ട് ആന്‍റ് പെപ്പര്‍. അത്രയൊന്നും പുതുമയില്ലാത്ത ഒരു പ്രണയകഥ മനോഹരമായ ആഖ്യാനം കൊണ്ട് മികച്ച സൃഷ്ടിയാക്കി മാറ്റുകയായിരുന്നു ആഷിക് അബു. ലാലിന്‍റെയും ശ്വേതാമേനോന്‍റെയും അഭിനയമികവ് ചിത്രത്തിന്‍റെ നിര്‍ണായകമായ വിജയഘടകമായി. ശ്യാം പുഷ്കരനും ദിലീഷ് നായരും ചേര്‍ന്നെഴുതിയ തിരക്കഥയുടെ ശക്തി സോള്‍ട്ട് ആന്‍റ് പെപ്പറിനെ 2011ലെ മികച്ച എന്‍റര്‍ടെയ്നറാക്കി.
