അനുബന്ധ വാര്ത്തകള്
- ലോക്സഭാ തിരഞ്ഞെടുപ്പിന് ഇന്ന് തുടക്കം: ജനവിധി തേടുന്നത് 1625 സ്ഥാനാര്ത്ഥികള്
- നാളെ ജനവിധി തേടുന്നവരില് എട്ടു കേന്ദ്രമന്ത്രിമാരും രണ്ടുമുന്മുഖ്യമന്ത്രിമാരും
- Vote From Home: വീട്ടിലിരുന്ന് വോട്ട് ചെയ്യുന്നവരുടെ ബാലറ്റുകള് ഉദ്യോഗസ്ഥര് അലക്ഷ്യമായാണ് കൈകാര്യം ചെയ്യുന്നതെന്നതരത്തിലുള്ള വാര്ത്തകള് അടിസ്ഥാനരഹിതം
- ലോക്സഭാ തെരഞ്ഞെടുപ്പിനു നാളെ തുടക്കം; ജനവിധി തേടുന്നത് 102 മണ്ഡലങ്ങളില്
- Kollam Lok Sabha Election Prediction: കൊല്ലത്തിനു 'പ്രേമം' പ്രേമചന്ദ്രനോട് തന്നെ ! മുകേഷ് നില മെച്ചപ്പെടുത്തും
Lok Sabha Election 2024 Live Updates: ലോക്സഭാ തിരഞ്ഞെടുപ്പിന് തുടക്കം, ആദ്യ ഘട്ടത്തില് തമിഴ്നാടും വിധിയെഴുതുന്നു
എട്ട് കേന്ദ്രമന്ത്രിമാര്, രണ്ട് മുന് മുഖ്യമന്ത്രിമാര്, ഒരു മുന് ഗവര്ണര് അടക്കം 1625 സ്ഥാനാര്ഥികളാണ് മത്സരരംഗത്തുള്ളത്
Lok Sabha Election 2024
Lok Sabha Election 2024 Live Updates: ലോക്സഭാ തിരഞ്ഞെടുപ്പിന്റെ ആദ്യഘട്ട വോട്ടെടുപ്പിന് തുടക്കമായി. രാവിലെ ഏഴിനാണ് വോട്ടെടുപ്പ് ആരംഭിച്ചത്. വൈകിട്ട് ആറ് വരെ വോട്ടെടുപ്പ് നടക്കും. തമിഴ്നാട് അടക്കം 21 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 102 മണ്ഡലങ്ങളിലേക്കാണ് ഇന്ന് വോട്ടെടുപ്പ് നടക്കുന്നത്. അരുണാചല് പ്രദേശ്, സിക്കിം എന്നിവിടങ്ങളിലായി 92 നിയമസഭാ സീറ്റിലേക്കും ഇന്ന് വോട്ടെടുപ്പ് നടക്കും.
എട്ട് കേന്ദ്രമന്ത്രിമാര്, രണ്ട് മുന് മുഖ്യമന്ത്രിമാര്, ഒരു മുന് ഗവര്ണര് അടക്കം 1625 സ്ഥാനാര്ഥികളാണ് മത്സരരംഗത്തുള്ളത്. 1.87 ലക്ഷം പോളിങ് സ്റ്റേഷനുകളിലായി 16.63 കോടി വോട്ടര്മാര് ഇന്ന് സമ്മതിദാനാവകാശം വിനിയോഗിക്കും. പുതുച്ചേരിയിലും ലക്ഷദ്വീപിലുമുള്ള ഓരോ സീറ്റുകളിലും ഇന്ന് വോട്ടെടുപ്പ് നടക്കുന്നുണ്ട്.
ഇന്ന് വോട്ടെടുപ്പ് നടക്കുന്ന 102 സീറ്റുകളില് 2019 ല് എന്ഡിഎ 51 സീറ്റിലും ഇന്ത്യ സഖ്യത്തിലെ കക്ഷികള് 48 സീറ്റിലും മറ്റുള്ളവര് മൂന്ന് സീറ്റിലുമാണ് വിജയിച്ചത്. തമിഴ്നാട്ടിലെ 39 ലോക്സഭാ സീറ്റുകളിലേക്കും ഇന്ന് വോട്ടെടുപ്പ് പൂര്ത്തിയാകും. 80 ലോക്സഭാ സീറ്റുകളുള്ള യുപിയില് എട്ടിടത്താണ് ആദ്യഘട്ടത്തില് വോട്ടെടുപ്പ് നടക്കുന്നത്.
