Kerala Lok Sabha Election result 2024 Live: കേരളത്തിൽ ആദ്യഘട്ട ഫലങ്ങൾ വരുമ്പോൾ യുഡിഎഫ് മുന്നിൽ,തിരുവനന്തപുരത്ത് എൻഡിഎയ്ക്ക് നേരിയ ലീഡ്

Updated: Tue, 4 Jun 2024 (09:09 IST)

Loksabha elections,Kerala

ലോകസഭാ തിരെഞ്ഞെടുപ്പിന്റെ ആദ്യഘട്ട ഫലസൂചനകള്‍ വരുമ്പോള്‍ സംസ്ഥാനത്ത് യുഡിഎഫിന് മുന്നേറ്റം. 20 സീറ്റുകളിലെ സൂചനകള്‍ വരുമ്പോള്‍ 14 സീറ്റുകളില്‍ യുഡിഎഫിന് ഭൂരിപക്ഷമുണ്ട്. എക്‌സിറ്റ് പോളുകളില്‍ ഒന്ന് മുതല്‍ മൂന്ന് സീറ്റുകള്‍ നേടുമെന്ന് പ്രവചിക്കപ്പെട്ട ബിജെപി തിരുവനന്തപുരത്ത് മുന്നിലാണ്. ഇടുക്കിയില്‍ ആദ്യ രണ്ട് റൗണ്ടുകള്‍ പിന്നിടുമ്പോള്‍ ഡീന്‍ കുര്യോക്കോസിന്റെ ലീഡ് നില ഏഴായിരത്തിനടുത്താണ്.

ആലപ്പുഴയില്‍ കെ സി വേണുഗോപാലും എറണാകുളത്ത് ഹൈബി ഈഡനും ലീഡ് നിലനിര്‍ത്തുന്നു. കൊല്ലത്ത് നിലവിലെ എം പിയായ മുകേഷിനെ പിന്നിലാക്കി എന്‍ കെ പ്രേമചന്ദ്രനാണ് ലീഡ് ചെയ്യുന്നത്. തൃശൂരില്‍ വി എസ് സുനില്‍കുമാറും വടകരയില്‍ ഷാഫി പറമ്പിലുമാണ് ആദ്യഘട്ട ഫലസൂചനകള്‍ വരുമ്പോള്‍ മുന്നിലുള്ളത്.