കന്നുകാലിയെ ഇടിച്ചിട്ട വാഹനം നിര്‍ത്താതെ പോയി. ജനം കാഴ്ചക്കാരായി. പുനലൂര്‍ ചൗക്ക റോഡിനു സമീപം ഇന്നലെ വൈകിട്ട്‌ അഞ്ചരയോടെയാണ്‌ സംഭവം. ഈ ഭാഗത്ത്‌ വളവുതിരിഞ്ഞു വന്ന ലോറി പശുവിനെ ഇടിച്ചു വീഴ്ത്തിയശേഷം നിര്‍ത്താതെ പോകുകയായിരുന്നുവെന്നു ദൃക്‌സാക്ഷികള്‍ പറഞ്ഞു.
ഈ നേരമൊക്കെയും അപകടത്തിനിടയാക്കിയ വാഹനം കണ്ടെത്തുന്നതിനോ കന്നുകാലിയെ രക്ഷപെടുത്തുന്നതിനോ പൊതുജനം തയാറായില്ല. ഒടുവില്‍ ഉടമസ്ഥരും ചില നാട്ടുകാരും ചേര്‍ന്ന്‌ അധികൃതരെ വിവരമറിയിക്കുകയും റിട്ട. വെറ്റിനറി ഡോക്ടര്‍ പി സി പ്രകാശ്‌ എത്തി പ്രാഥമിക ചികിത്സ നല്‍കുകയും ചെയ്തു. മതിയായ പരിചരണം ലഭിക്കുകയാണെങ്കില്‍ പശു ആരോഗ്യനില വീണ്ടെടുക്കുമെന്നും പുതിയ കുളമ്പ്‌ രൂപപ്പെടുമെന്നും അദ്ദേഹം അറിയിച്ചു.
