നടി ഷീലയുമായി എനിക്ക് യാതൊരു ബന്ധവുമില്ല, സാമൂഹ്യ മാധ്യമങ്ങളിൽ ആളുകൾ തോന്നുംപോലെ എഴുതുന്നു: യതീഷ് ചന്ദ്ര

Publish: Tue, 27 Nov 2018 (10:22 IST) Updated: Tue, 27 Nov 2018 (14:08 IST)

ശബരിമലയിൽ സുരക്ഷ ചുമതലയുള്ള എസ് പി  യതീഷ് ചന്ദ്ര ഒരേസമയം കയ്യടി നേടുകയും വിവാദ നായകനാ‍വുയും ചെയ്തിരുന്നു. ഇതിനു പിന്നാലെ പല തരത്തിലുള്ള പ്രചരണങ്ങളണ് യതീഷ് ചന്ദ്രയെക്കുറിച്ച് സാമൂഹ്യ മാധ്യമങ്ങളിൽ നടക്കുന്നത്. നടി ശിലയുടെ ബന്ധുവാണ് യതീഷ് ചന്ദ്ര എന്ന തരത്തിൽ വരെ സമൂഹ്യ മാധ്യമങ്ങളിൽ പ്രചരിക്കുന്നുണ്ട്. 

നടി ശിലയുമായി തനിക്ക് യാതൊരു ബന്ധവുമില്ല. സാമൂഹ്യ മധ്യമങ്ങളിലൂടെ ആരോ മെനഞ്ഞെടുത്ത ഒരു കഥ മാത്രമാണ് ഇത്. പലരും സോഷ്യൽ മിഡിയയിൽ അവർക്ക് തോന്നുന്നതുപോലെ പ്രചരണങ്ങൾ നടത്തുകയാണ്. ഇവ പലതും അവഗണിച്ച് വിടുകയാണ് ചെയ്യുന്നത് എന്നും യതീഷ് ചന്ദ്ര പറഞ്ഞു.

താനൊരു ഹിന്ദുവാണ്, ആയ്യപ്പഭക്തനാണ്. ചെറുപ്പം മുതൽ അയ്യപ്പ ദർശനം നടത്തുന്നുണ്ട്. അതേസമയം രാജ്യത്തെ നിയം നടപ്പിലാക്കുക എന്ന ചുമതലകൂടി തനിക്കുണ്ട്. നിറം നോക്കിയല്ല നടപടികൾ സ്വീകരിക്കുക. അവശ്യമായി വന്നാൽ സാമൂഹ്യ മാധ്യമങ്ങളിലെ പ്രചരണങ്ങൾക്കെതിരെ നടപടി സ്വീകരിക്കുമെന്നും യതീഷ് ചന്ദ്ര പറഞ്ഞു. 

ശീലയുടെ സഹോദരിയുടെ മകനാണ് യതീശ് ചന്ദ്ര എന്നും കേന്ദ്ര മന്ത്രി പൊൻ‌രാധാകൃഷണനെ തടഞ്ഞത് അദ്ദേഹത്തിന്റെ നിറത്തിന്റെ അടിസ്ഥാനത്തിലാണ് എന്നുമെല്ലാം സാമുഹ്യ മാധ്യമങ്ങളിലൂടെ പ്രചരിക്കുകയാണ്.