കോഴിയിറച്ചിക്ക് പിന്നാലെ കുതിച്ചുയര്‍ന്ന് കോഴിമുട്ട വില. 5.30 മുതല്‍ ആറ് വരെ ആയിരുന്ന മുട്ടവിലയാണ് പെട്ടന്ന് 7 രൂപയില്‍ എത്തിനില്‍ക്കുന്നത്. അതേസമയം നാടന്‍ കോഴി മുട്ടയുടെ വില 9 മുതല്‍ 10 വരെയായും ഉയര്‍ന്നു. ഇതോടെ ഓംലെറ്റ്, ബുള്‍സൈ എന്നിവയുടെ വിലയും ഉയരാനാണ് സാധ്യത.

മുട്ടയുടെ വരവ് കുറഞ്ഞതാണ് വിലവര്‍ധനയ്ക്ക് കാരണം. തമിഴ്നാട്ടിലെ നാമക്കല്ലില്‍ നിന്നാണ് പ്രധാനമായും കോഴിമുട്ട എത്തിക്കുന്നത്.