അനുബന്ധ വാര്ത്തകള്
- സംസ്ഥാനത്ത് ഇന്ന് 5456 പേർക്ക് കൊവിഡ്, 23 മരണം, 4701 പേർക്ക് രോഗമുക്തി
- വീഴ്ച്ചകൾ ഉണ്ടായി, പരാജയത്തിന്റെ ഉത്തരവാദിത്തം ഏറ്റെടുക്കുന്നുവെന്ന് മുല്ലപ്പള്ളി
- ബിജെപിയെ പുഷ്ടിപ്പെടുത്തുന്ന യുഡിഎഫിന്റെ ത്യാഗസന്നദ്ധത തിരുവനന്തപുരം കോർപറേഷനിലാകെ പടരുകയാണ്: തോമസ് ഐസക്
- അങ്കണവാടി ജീവനക്കാര് തിങ്കളാഴ്ച മുതല് ഹാജരാകണമെന്ന് അറിയിപ്പ്
- നിങ്ങളുടെ പേരിൽ ഒൻപതിൽ കൂടുതൽ സിം കാർഡുകൾ ഉണ്ടോ ? എങ്കിൽ ജനുവരി പത്തിനകം മടക്കി നൽകണം
ഹരിത ഓഫീസ് പ്രഖ്യാപനം ജനുവരി 26ന്
സര്ക്കാര് ഓഫീസുകളും പൊതുമേഖലാ സ്ഥാപനങ്ങളും ഹരിത ഓഫീസുകളാകുന്നതിന്റെ പ്രഖ്യാപനവും ഗ്രീന് സര്ട്ടിഫിക്കേഷന് വിതരണവും ജനുവരി 26ന് നടക്കും. ദൈനംദിന പ്രവര്ത്തനങ്ങളില് ഒറ്റത്തവണ ഉപയോഗിക്കാവുന്ന പ്ലാസ്റ്റിക്-ഡിസ്പോസിബിള് വസ്തുക്കള് ഒഴിവാക്കി പുനരുപയോഗിക്കാനും പുനഃചംക്രമണം നടത്തുന്നതിനും സാധ്യമായ വസ്തുക്കള് ഉപയോഗിക്കുന്ന ഓഫീസുകളെയാണ് ഹരിത ഓഫീസുകളായി പ്രഖ്യാപിക്കുന്നത്.
ഇത്തരം ഓഫീസുകളെ കണ്ടെത്തുന്നതിനുള്ള നടപടികള് ഇതിനോടകം ആരംഭിച്ചതായി ഹരിതകേരളം മിഷന് ജില്ലാ കോ ഓര്ഡിനേറ്റര് ഡി. ഹുമയൂണ് അറിയിച്ചു. ഇതിന്റെ ഭാഗമായി ഓഫീസുകളില് ഗ്രീന് പ്രോട്ടോക്കോള് കമ്മിറ്റി രൂപീകരിച്ച് ബോധവത്കരണ പരിപാടികള് നടത്തിവരുന്നുണ്ട്. ഒറ്റത്തവണ ഉപയോഗ പ്ലാസ്റ്റിക്- ഡിസ്പോസിബിള് വസ്തുക്കളുടെ നിരോധനം, പ്രകൃതി സൗഹൃദ പാത്രങ്ങള് സജ്ജീകരിക്കല്, ഉപയോഗ ശൂന്യമായ ഫര്ണിച്ചറുകളും ഇ-മാലിന്യങ്ങളും നീക്കം ചെയ്യല്, ജൈവ-അജൈവ മാലിന്യ സംസ്കരണ ഉപാധികള് സ്ഥാപിക്കല്, ലഭ്യമായ സ്ഥലത്ത് ജൈവ പച്ചക്കറി തോട്ടവും പൂന്തോട്ടവും സജ്ജീകരിക്കല്, ക്യാന്റീനും ഭക്ഷണമുറിയും ഹരിതാഭമാക്കല്, ജലം മിതമായി ഉപയോഗിക്കുന്നതിനുള്ള സംവിധാനം, വൈദ്യുതി ലാഭിക്കല്, പൊടിരഹിത ഓഫീസ്, ശുചിമുറി സൗഹൃദമായ ഓഫീസ് സംവിധാനം തുടങ്ങിയ ക്രമീകരണങ്ങള് ഹരിത ഓഫീസുകളിലുണ്ടാകും.
