അനുബന്ധ വാര്ത്തകള്
- 'ഇങ്ങനെ ഒരു കാഴ്ച ആദ്യമായി കാണുകയാണ്' ധോണിയുടെ പരിശീലനത്തെ കുറിച്ച് ഇർഫാൻ പഠാൻ
- ടെസ്ലയ്ക്ക് കടുത്ത വെല്ലുവിളി, പത്ത് സെക്കൻഡിനുള്ളിൽ ക്വാർട്ടർ മൈൽ പിന്നിട്ട് ലൂസിഡ് എയർ !
- വ്യാജൻമാർ വിലസുന്നു, മെസഞ്ചറിൽ നിയന്ത്രണങ്ങളുമായി ഫെയ്സ്ബുക്
- പീപ്പിൾസ് ലിബറേഷൻ ആർമിയെ ആക്രമിച്ചാൽ യുദ്ധം ഒഴിവാക്കാനാകില്ല: ഭീഷണിയുമായി ഗ്ലോബൽ ടൈംസ്
- ശക്തമായ മഴ: ഇന്ന് സംസ്ഥാനത്ത് നാലു ജില്ലകളില് ഓറഞ്ച് അലര്ട്ട് പ്രഖ്യാപിച്ചു
ആയുധശേഖരത്തിന്റെ കാര്യത്തില് സിപിഎം പോലീസിനേക്കാള് മുന്നിലെന്ന് മുല്ലപ്പള്ളി
ആയുധശേഖരത്തില് സി.പി.എം പോലീസിനേക്കാള് മുന്നിലാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്.കേരളത്തെ കലാപഭൂമിയാക്കുന്ന സിപിഎം അക്രമത്തിനെതിരെ ഡിസിസി പ്രസിഡന്റ് സതീശന് പാച്ചേനിയുടെ നേതൃത്വത്തില് തലശേരി പഴയ ബസ്റ്റാന്റ് പരിസരത്ത് നടത്തിയ ഉപവാസ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ബോംബ് നിര്മ്മാണം സി.പി.എമ്മിന് കുടില് വ്യവസായമാണ്.പാര്ട്ടി ഗ്രാമങ്ങളില് പാര്ട്ടിനേതൃത്വത്തിന്റെ നിര്ദ്ദേശപ്രകാരം ബോംബ് നിര്മ്മാണവും എതിരാളികളെ വെട്ടിവീഴ്ത്തുന്നതിന് വേണ്ടിയുള്ള മാരകായുധങ്ങളും നിര്മ്മിച്ച് കൊണ്ടിരിക്കുകയാണ്. കേരളത്തിന്റെ വിവിധ സ്ഥലങ്ങളിലേക്ക് ഇവിടെ നിന്നാണ് ആയുധങ്ങള് എത്തിക്കുന്നത്. കേരളത്തെ കലാപഭൂമിയാക്കാനാണ് സിപിഎം ശ്രമിക്കുന്നതെന്നും മുല്ലപ്പള്ളി പറഞ്ഞു.
കതിരൂര് പൊന്ന്യത്ത് ബേംബ് നിര്മ്മാണത്തിനിടയില് സിപിഎംകാര്ക്ക് പരിക്കേല്ക്കാനിടയായ സംഭവം ആയുധ നിര്മ്മാണം സിപിഎം ഇനിയും നിര്ത്തിയില്ലെന്നതിന് തെളിവാണ്. ഈ സംഭവത്തിലെ പ്രതികളെ സംരക്ഷിക്കാനുള്ള നീക്കം ആരംഭിച്ചു കഴിഞ്ഞു.കഴിഞ്ഞ ദിവസം വെഞ്ഞുറാമൂട് നടന്ന കൊലപാതകം രണ്ട് വിഭാഗങ്ങള് തമ്മിലുള്ള സംഘട്ടനമായിരുന്നു.സത്യസന്ധമായ പോലീസ് അന്വേഷണം നടക്കുന്ന സാഹചര്യമല്ല. കേരള പോലീസ് അന്വേഷണം നടത്തിയാല് നീതിയുണ്ടാകില്ല. ഇതിനാലാണ് സിബിഐഅന്വേഷണം നടത്തണമെന്ന് കോണ്ഗ്രസ് ആവശ്യപ്പെടുന്നത്.ശരിയായ രീതിയില് വെഞ്ഞാറമൂട് കൊലപാതക കേസ് അന്വേഷിച്ചാല് സി.പി.എം നേതാക്കളുടെ പങ്ക് പുറത്തുവരും. ഡിവൈഎഫ് ഐ സംസ്ഥാന സെക്രട്ടറിയുമായി ബന്ധപ്പെട്ട് ചില കാര്യങ്ങള് ഉരുത്തിരിഞ്ഞ് വരികയാണെന്നും മുല്ലപ്പള്ളി പറഞ്ഞു.
