അനുബന്ധ വാര്ത്തകള്
- ഇനി പാമ്പിനെ കണ്ടാല് കയറി പിടിക്കാനൊന്നും പോകണ്ട; സര്ട്ടിഫിക്കറ്റ് നിര്ബന്ധം
- സ്ഥാനാര്ഥി നിര്ണ്ണയ സമിതി അംഗം എതിര്പാര്ട്ടി സ്ഥാനാര്ത്ഥി!
- കോവിഡ് ചികിത്സയിലായിരുന്ന ബംഗാളി നടന് സൗമിത്ര ചാറ്റര്ജി അന്തരിച്ചു
- തദ്ദേശ തിരഞ്ഞെടുപ്പ്: ചുമതലകള് നിര്വഹിക്കുന്ന ഉദ്യോഗസ്ഥരെ കണ്ടെത്താന് സംസ്ഥാന തെരഞ്ഞെടുപ്പ് കമ്മീഷന് ഓണ്ലൈന് സംവിധാനമൊരുക്കി
- ദീപാവലി: വൈറ്റ് ഹൗസില് ദീപം തെളിയിച്ച് ട്രംപ്
ഒറ്റരാത്രികൊണ്ട് സ്ഥാനാര്ഥി എതിര് പാര്ട്ടി സ്ഥാനാര്ത്ഥിയായി
തൃശൂര്: യു.ഡി.എഫ് സ്ഥാനാര്ത്ഥിയായി പ്രഖ്യാപിക്കപ്പെട്ട ആള് ഒറ്റ രാത്രി കൊണ്ട് എല്.ഡി.എഫ് സ്ഥാനാര്ത്ഥിയായി മാറി. അന്തിക്കാട്ടെ താന്ന്യം പഞ്ചായത്തിലെ പതിനഞ്ചാം വാര്ഡിലാണ് കൗതുകകരമായ ഈ സംഭവം നടന്നത്.
കഴിഞ്ഞ രണ്ട് തവണയും കോണ്ഗ്രസ് സ്ഥാനാര്ത്ഥിയായി മത്സരിച്ച യുവനേതാവായ സിജോ പുലിക്കോട്ടില് ഇത്തവണയും ഇവിടെ സ്ഥാനാര്ത്ഥിയായി. ഇതനുസരിച്ചു ഇദ്ദേഹം വാട്സ് ആപ്പിള് പോസ്റ്റിട്ടു. സുഹൃത്തുക്കളും വിജയിക്കാന് പ്രാര്ത്ഥിച്ചു സന്തോഷം പങ്കിട്ടു. സന്തോഷത്തോടെ വീട്ടിലേക്ക് പോയി.
ഇതിനിടെ സി.പി.എം നേതാക്കള് വാഗ്ദാനങ്ങളുമായി സിജോയെ ബന്ധപ്പെട്ടു. പിന്നീടാണ് സംഗതി മാറിമറിഞ്ഞത്. ഇത്തവണയെങ്കിലും ഏതറ്റം വരെ പോയാലും ജയിക്കണം എന്നുറച്ച ഇദ്ദേഹം ഇവിടെ തന്നെ സി.പി.എം നു വേണ്ടി എല്.ഡി.എഫ് സ്ഥാനാര്ത്ഥിയായി ഉടന് തന്നെ വാട്സ് ആപ്പില് താന് എല്.ഡി.എഫ് സ്ഥാനാര്ഥിയാണെന്ന് പോസ്റ്റുമിട്ടു. ഇതോടെ ഞെട്ടിയത് ഇദ്ദേഹത്തിന്റെ അണികളും കോണ്ഗ്രസ് നേതാക്കളുമാണ്.
