അനുബന്ധ വാര്ത്തകള്
- തിരുവനന്തപുരം ജില്ലയില് പോളിങ് 69.85 ശതമാനം
- തദ്ദേശ തിരഞ്ഞെടുപ്പ്: തിരുവനന്തപുരം ജില്ലയില് 69.72 ശതമാനം പോളിങ്
- ഇഡിയ്ക്ക് മുൻപിൽ ഹാജരാകേണ്ടത് വ്യാഴാഴ്ച്ച, സിഎം രവീന്ദ്രൻ വീണ്ടും ആശുപത്രിയിൽ
- പെരുങ്കടവിള ബ്ലോക്കില് വോട്ടിങ് 60.51 ശതമാനം പിന്നിട്ടു
- തിരുവനന്തപുരം ജില്ലയില് ആറുമണിക്കൂര് കൊണ്ട് പോളിങ് ശതമാനം 45 ആയി
മലപ്പുറത്ത് നിന്ന് സ്പീഡ് പോസ്റ്റ് വഴി ഒരു കത്ത് കോഴിക്കോട്ട് എത്താന് പത്ത് ദിവസം
കോഴിക്കോട്: സാധാരണ കത്തുകള് പരമാവധി രണ്ട് ദിവസത്തിനുള്ളില് എത്താന് എടുക്കുന്ന സമയം സ്പീഡ് പോസ്റ്റ് പത്ത് ദിവസമെടുത്ത് വിലാസക്കാരന്റെ കൈയില് എത്തിചേര്ന്നു .മലപ്പുറം ജില്ലയിലെ പുലാമന്തോളില് നിന്നാണ് കത്ത് പുറപ്പെട്ടത്. ഈ കത്ത് കോഴിക്കോട്ടെ വിലാസക്കാരന്റെ കൈയില് കിട്ടിയത് പത്താമത്തെ ദിവസം മാത്രം.
എന്നാല് കത്ത് വരുമെന്നറിഞ്ഞ വിലാസക്കാരന് ഇത് ട്രാക്ക് ചെയ്തു. പുലാമന്തോളില് നിന്ന് പുറപ്പെട്ട കത്ത് അഞ്ചാമത്തെ ദിവസം ഷൊര്ണ്ണൂരിലെത്തി എന്നും മനസിലായി. അടുത്ത ദിവസം തൃശൂരിലുമെത്തി. എന്നാല് ഈ കഥ എന്തിനാണ് ഷൊര്ണൂരിലും തൃശൂരിലും പോകുന്നത് എന്ന് സാധാരണ ക്കാര്ക്ക് മനസിലാവില്ല.
എന്നാല് വിലാസക്കാരനായ ഡോ.വിനോദ് ഭട്ടതിരിപ്പാടിന് കാര്യം മനസിലായി. പോസ്റ്റല് ഉരുപ്പടി ആദ്യം അടുത്തുള്ള നാഷണല് സ്പീഡ് പോസ്റ്റ് ഹബ്ബിലെത്തും അതാണ് ഷൊര്ണ്ണൂര് വഴി ത്യശൂര്ക്ക് പോയത്. പിന്നീട് എട്ടാമത്തെ ദിവസം ഇത് കോഴിക്കോട്ടെ സ്പീഡ് പോസ്റ്റ് ഹബ്ബിലും എത്തി. എന്നാല് അടുത്ത ദിവസം ഞായറാഴ്ച അവധി ആയതിനാല് ഈ കത്ത് നല്കാന് കഴിഞ്ഞില്ല. ഇതാണ് ഡോ.വിനോദ് ഭട്ടതിരിപ്പാടിന് ലഭിച്ച സ്പീഡ് പോസ്റ്റിന്റെ മികച്ച സേവനം.
