അനുബന്ധ വാര്ത്തകള്
- ശബരിമല തീര്ത്ഥാടനത്തിന് കൊവിഡ് പരിശോധനാ സര്ട്ടിഫിക്കേറ്റ് നിര്ബന്ധം: കടകംപള്ളി സുരേന്ദ്രന്
- തമിഴ്നാട് എസ്എസ്എല്സി ഫലം പ്രഖ്യാപിച്ചു: ആരും തോറ്റില്ല
- ലോഡ്ജില് അനാശാസ്യമെന്ന് പരാതി: സ്ത്രീകള് ഉള്പ്പെടെ എട്ടു പേരെ അറസ്റ്റുചെയ്തു
- കഴിഞ്ഞ ദിവസങ്ങളില് ശക്തമായ മഴ ലഭിച്ച മലയോര പ്രദേശങ്ങളില് ഉരുള്പൊട്ടല് ഉണ്ടാകാന് സാധ്യത: സംസ്ഥാന ദുരന്തനിവാരണ അതോറിറ്റി
- ഇവ ശീലമാക്കിയാൽ ശരീരത്തിന് എപ്പോഴും സുഗന്ധം !
ഇപ്രാവശ്യത്തെ ശബരിമല തീര്ത്ഥാടന ദര്ശനം വെര്ച്വല് ക്യൂ സംവിധാനത്തിലൂടെ
ശബരിമല ദര്ശനം വെര്ച്വല് ക്യൂ സംവിധാനത്തിലൂടെ നിയന്ത്രിക്കുമെന്നും ദേവസ്വം മന്ത്രി വ്യക്തമാക്കി. നവംബര് 16 ന് ആരംഭിക്കുന്ന ശബരിമല തീര്ത്ഥാടനത്തിന്റെ മുന്നൊരുക്കങ്ങള്ക്കായി മന്ത്രി കടകംപള്ളി സുരേന്ദ്രന്റെ അധ്യക്ഷതയില് ഓണ്ലൈന് വഴി ചേര്ന്ന ഉന്നതതല യോഗത്തിലാണ് ഈ തീരുമാനം.
കോവിഡ്-19 രോഗമില്ലെന്ന സര്ട്ടിഫിക്കറ്റുമായി വരുന്ന തീര്ത്ഥാടകരെ ഓണ്ലൈന് രജിസ്ട്രേഷനിലൂടെ വെര്ച്വല് ക്യൂ സംവിധാനത്തില് ഉള്പ്പെടുത്തി തിരക്കില്ലാതെ ദര്ശത്തിന് എത്തിക്കുന്ന തരത്തില് ക്രമീകരണം ഒരുക്കുന്നതിനാണ് യോഗം തീരുമാനിച്ചത്. രാജ്യത്തെ ഏറ്റവും പ്രധാനപ്പെട്ട തീര്ത്ഥാടന കേന്ദ്രങ്ങളിലൊന്നായ ശബരിമലയില് ഇത്തവണത്തെ തീര്ത്ഥാടനം കോവിഡ് പ്രോട്ടോക്കോള് പാലിച്ച് രോഗ വ്യാപനം ഉണ്ടാകാത്ത രീതിയില് നടത്താന് ദേവസ്വം ബോര്ഡ് സന്നദ്ധമാണെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് എന് വാസു പറഞ്ഞു. തീര്ത്ഥാടകര്ക്ക് സൗകര്യങ്ങളൊരുക്കുന്ന നടപടികള് ശബരിമലയില് പൂര്ത്തിയാക്കി വരുന്നുണ്ടെന്നും ദേവസ്വം ബോര്ഡ് പ്രസിഡന്റ് അറിയിച്ചു.
