അനുബന്ധ വാര്ത്തകള്
- നടി ആക്രമിക്കപ്പെട്ട കേസ്: ദിലീപിനെ പിന്തുണച്ച് യുഡിഎഫ് കണ്വീനര്, സര്ക്കാര് അപ്പീല് പോകരുതെന്ന് ആവശ്യം
- നടി ആക്രമിക്കപ്പെട്ട കേസ്: വിചാരണ കോടതി വിധിക്കെതിരെ അപ്പീല് പോകാന് സര്ക്കാര് തീരുമാനിച്ചു
- നടന് ദിലീപിന് നീതി കിട്ടിയെന്ന് യുഡിഎഫ് കണ്വീനര് അടൂര് പ്രകാശ്
- തനിക്കെതിരായ ഗൂഢാലോചനയെ കുറിച്ച് അന്വേഷിക്കണം: നിയമനടപടിക്കൊരുങ്ങി ദിലീപ്
- സ്ഥാനാര്ഥികള് മരിച്ചു; വിഴിഞ്ഞത്തും ഓണക്കൂറിലും വോട്ടെടുപ്പ് മാറ്റിവെച്ചു
അതിജീവിതയെ ചേര്ത്തുപിടിച്ച് സര്ക്കാര്; വിധി വന്നതിനു പിന്നാലെ മുഖ്യമന്ത്രിയുടെ ഇടപെടല്
മുഖ്യമന്ത്രിയുമായി സംസാരിച്ച ശേഷമാണ് വിധിക്കെതിരെ അപ്പീല് പോകുമെന്ന കാര്യം മന്ത്രി പി.രാജീവ് അറിയിച്ചത്
Pinarayi Vijayan
കൊച്ചിയില് നടി ആക്രമിക്കപ്പെട്ട കേസിലെ വിചാരണ കോടതി വിധിക്കെതിരെ അപ്പീല് പോകാന് സര്ക്കാര്. കേസില് വിധി വന്നതിനു തൊട്ടുപിന്നാലെ മുഖ്യമന്ത്രി പിണറായി വിജയനും നിയമമന്ത്രി പി.രാജീവും ഫോണിലൂടെ ബന്ധപ്പെട്ടു. അതിജീവിതയ്ക്കു വേണ്ടി ഏത് നിയമപോരാട്ടത്തിനും സര്ക്കാര് തയ്യാറാണെന്നാണ് മുഖ്യമന്ത്രിയുടെ നിലപാട്.
മുഖ്യമന്ത്രിയുമായി സംസാരിച്ച ശേഷമാണ് വിധിക്കെതിരെ അപ്പീല് പോകുമെന്ന കാര്യം മന്ത്രി പി.രാജീവ് അറിയിച്ചത്. മുഖ്യമന്ത്രി പിണറായി വിജയനുമായി ഇക്കാര്യം സംസാരിച്ചെന്നും സര്ക്കാര് അതിജീവിതയ്ക്കൊപ്പം ആണെന്നും മന്ത്രി രാജീവ് പറഞ്ഞു.
നടി ആക്രമിക്കപ്പെട്ട കേസില് എട്ടാം പ്രതിയായ ദിലീപിനെ വിചാരണ കോടതി കുറ്റവിമുക്തനാക്കിയിരുന്നു. കേസില് ഒന്ന് മുതല് ആറ് വരെയുള്ള പ്രതികള് മാത്രമാണ് കുറ്റക്കാരെന്ന് വിചാരണ കോടതി വിധിച്ചു. ഏഴ് മുതല് പത്ത് വരെയുള്ള പ്രതികളെ കുറ്റവിമുക്തരാക്കി. ഗൂഢാലോചനക്കുറ്റം തെളിയിക്കാന് സാധിക്കാത്തതുകൊണ്ടാണ് ദിലീപ് ഉള്പ്പെടെയുള്ള പ്രതികളെ കുറ്റവിമുക്തരാക്കിയത്.
