അനുബന്ധ വാര്ത്തകള്
- 'ജീവനുള്ള ശരീരത്തില് നിന്നു പച്ചയിറച്ചി കടിച്ചുതിന്നുന്ന വേദന'; കുടുംബത്തിനെതിരായ ആക്രമണത്തില് മുഹമ്മദ് റിയാസ്
- എല്ലാം തന്നത് പാര്ട്ടി, ജനങ്ങള്ക്കിടയില് പ്രവര്ത്തിക്കാന് മന്ത്രിസ്ഥാനം ആവശ്യമില്ല: എം.എം.മണി
- ശൈലജ ടീച്ചര്ക്ക് ഹൃദയം നിറഞ്ഞ നന്ദി:മിഥുന് മാനുവല് തോമസ്
- രണ്ടാം പിണറായി സര്ക്കാരിലെ മന്ത്രിമാരുടെ പ്രായം എത്രയെന്നോ?
- സമ്പാദ്യമെല്ലാം ദുരിതാശ്വാസ നിധിയിലേക്ക് നല്കിയ ബീഡിത്തൊഴിലാളി രണ്ടാം പിണറായി സര്ക്കാരിന്റെ വിവിഐപി
പിണറായി നല്ല ഗൃഹനാഥന്, എനിക്ക് പ്രത്യേക പരിഗണന നല്കുന്ന ആളല്ല: മുഹമ്മദ് റിയാസ്
വിവാഹത്തിനു മുന്പ് തന്നെ പിണറായി വിജയനുമായി തനിക്ക് അടുത്ത ബന്ധമുണ്ടെന്ന് നിയുക്തമന്ത്രി മുഹമ്മദ് റിയാസ്. 'പാര്ട്ടി സെക്രട്ടറിയായിരുന്നപ്പോള് തന്നെ അദ്ദേഹവുമായി എനിക്ക് വ്യക്തിപരമായ പരിചയമുണ്ട്. എനിക്ക് പ്രത്യേക പരിഗണനയൊന്നും അദ്ദേഹം നല്കാറില്ല. ഞാനങ്ങനെ പ്രത്യേക പരിഗണന ആഗ്രഹിക്കുന്ന വ്യക്തിയല്ല, അദ്ദേഹം എനിക്കങ്ങനെ പ്രത്യേക പരിഗണന തരാനും പോകുന്നില്ല,' റിയാസ് പറഞ്ഞു. മനോരമ ന്യൂസിനു നല്കിയ അഭിമുഖത്തിലാണ് റിയാസ് ഇക്കാര്യം പറഞ്ഞത്.
'വിവാഹം കഴിഞ്ഞിട്ട് ഒരു വര്ഷമായി. ഇക്കാലത്തിനിടയില് എന്തെങ്കിലും ഒരു കാര്യത്തില് ഞാന് അനാവശ്യമായി ഇടപെട്ടതായി നിങ്ങള്ക്ക് അറിവുണ്ടോ? അനാവശ്യമായി ഒരു കാര്യങ്ങളിലും ഞാന് ഇടപെടാറില്ല. ചെറുപ്പം മുതല് ഞാന് ആര്ജ്ജിച്ചെടുത്തതും എന്റെ പ്രസ്ഥാനം പഠിപ്പിച്ചിട്ടുള്ളതും അതാണ്. അധികാരമൊക്കെ താല്ക്കാലികമാണ്. ജീവിതകാലം മുഴുവന് മന്ത്രിയാകാനൊന്നും പറ്റില്ല. പിണറായി നല്ലൊരു ഗൃഹസ്ഥനാണ്. വീട്ടില് ഒന്നിച്ചിരിക്കുമ്പോള് ഞങ്ങള് സിനിമ കാണും, സംസാരിക്കും, തമാശ പറയും. എല്ലാവരെയും പോലെ ഒരു സാധരണ മനുഷ്യനാണ് അദ്ദേഹവും. അനാവശ്യ കാര്യങ്ങളൊന്നും പറഞ്ഞാല് അദ്ദേഹം നടത്തില്ല. ഞാന് പറയാനും പോകാറില്ല,' മുഹമ്മദ് റിയാസ് പറഞ്ഞു.
